"პედიატრი, მამა გაბრიელით რომ მწყევლა, სამსახურიდან დაითხოვეს, მორიგეობებს ჩამოაშორეს ტრავმატოლოგიც" - რა მოხდა ინგოროყვას კლინიკაში
ექიმი მეან-გინეკოლოგი ეველინა ჩოხელი, რომელიც ექიმების გულგრილობისა და უსამართლო მოპყრობის გამო, ინგოროყვას კლინიკას უჩიოდა, "ფეისბუქის" პირად გვერდზე მორიგ პოსტს აქვეყნებს და წერს, რომ ინციდენტში მონაწილე პედიატრი სამსახურიდან გაათავისუფლეს, ტრავმატოლოგი კი მორიგეობებსა და ბავშვებთან ურთიერთობას ჩამოაშორეს.
"მესმის რომ მაღალი საჯარო ინტერესი გამოიწვია მათეს მოტეხილობის თემამ, გულგრილი არც ექიმი დარჩა, არც კლინიკის უფროსი, არც მშობელი, არც ჩემი სამეგობრო სანაცნობო წრე მთელი საქართველოს მაშტაბით. მინდა მადლიერება გამოვხატო ყურადღებისთვის, გვერდში დგომისთვის და თბილი სიტყვებისთვის ახლა კი მთავარი!!!!
ინგოროყვას კლინიკის ხელმძღვანელობამ, მიიღო გადაწყვეტილება ფაქტებზე დაყრდნობით, გაეთავისუფლებინა სამსახურიდან პედიატრი გულიკო ოდიშვილი, მამა გაბრიელით რომ მწყევლა და ჩამოაშორა მორიგეობებს და ბავშვებთან ურთიერთობას ტრავმატოლოგი დავით სუბელიანი! ასევე გამოუცხადა საყვედური!
მინდა მადლობა გადავუხადო პედიატრიული სამსახურის უფროსს ქეთი ბარაბაძეს და მენეჯერს ნინო ქოჩორაშვილს, რომლებმაც ადექვატურად აღიქვეს არსებული გადაცდომა და მიიღეს შესაბამისი ღონისძიებები!
მე ჩემი სიმართლე დავამტკიცე და ყველა ჩვენი შვილები დავიცავი აღნიშნული ცუდი სამედიცინო სერვისისგან!
ბრძოლას ყოველთვის აქვს აზრი! არ მისცეთ არავის უფლება, რომ მოგექცეთ არაკეთილსინდისიერად და თუ ეს ასე მოხდა, თქვენ მაინც მოექეცით სამართლებრივი კუთხით სწორად! დიდი მადლობა ყველას", - წერს ეველინა ჩოხელი.
ცნობისთვის, კლინიკაში ინფორმაცია, პედიატრის გათავისუფლებისა და ტრავმატოლოგისთვის საყვედურის გამოცხადების შესახებ, AMBEBI.GE-ს დაუდასტურეს და განაცხადეს, რომ პაციენტთან ინციდენტი ამოწურულია.
როგორ ცეკვავს კახა კალაძე შვილებთან ერთად - რა ვიდეოს აქვეყნებს ანუკი არეშიძე
"ჩემს ყველა დადებით თვისებას CoVID-19-იც შეემატა..." - რას წერს "იმედის" თანამშრომელი, რომელსაც კორონავირუსი დაუდგინდა
