"სულ პარლამენტში ხომ არ ვიქნები?!" - რას ამბობენ გუგული მაღრაძე და ენძელა მაჭავარიანი, რომელიც "ოცნების" საარჩევნო სიაში ვერ მოხვდნენ

4 წელი მქონდა სრულიად სტრესული მუშაობის პირობები. რაც შევძელი, გავაკეთე ამ ოთხ წელიწადში და მიმაჩნია, რომ ახლა, პარლამენტში "ტაიმაუტი" უნდა ავიღო, - ამის შესახებ ენძელა მაჭავარიანმა ჟურნალისტებს განუცხადა, როდესაც უპასუხა კითხვას, რატომ ვერ მოხვდა მმართველი პარტიის 2020 წლის საარჩევნო სიაში?!

ენძელა მაჭავარიანის თქმით, მის სურვილი იყო, რომ არ ყოფილიყო მმართველი პარტიის საარჩევნო სიაში.

მისივე თქმით, "ქართული ოცნების" მხარდამჭერად რჩება.

"დაახლოებით 10 თევა ვიცი, რომ არ ვარ სიაში. 4 წელი მქონდა სრულიად სტრესული მუშაობის პირობები. რაც შევძელი, გავაკეთე ამ ოთხ წელიწადში და მიმაჩნია, რომ ახლა, პარლამენტში "ტაიმაუტი" უნდა ავიღო. სულ პარლამენტში ხომ არ ვიქნები?! როდესაც პარლამენტში შევედი, თვითონ შევთავაზე საკუთარი თავი და ახლაც თვითონვე შევთავაზე, რომ თუ შესაძლებელი იქნებოდა დამესვენა", - განაცხადა ენძელა მაჭავარიანმა.

საარჩევნო სიაში ასევე ვერ მოხდვა გუგული მაღრაძე. მისი თქმით, ეს კარგიც არის და ასევე მინუსებიც აქვს.

"ეს არის ორმხრივი შეთანხმება, იმიტომ, რომ სულ პარლამენტში ხომ არ ვიქნები?! ორმაგი მოტივაცია მქონდა. ეს, ერთი მხრივ კარგია, მეორე მხრივ - თავისი მინუსები აქვს", - განაცხადა გუგული მაღრაძემ.

ცნობისთვის, დღეს ცესკო-ში „ქართულმა ოცნებამ“ საარჩევნო სია წარადგინა.