სომხეთმა თურქეთს ადამიანის უფლებათა ევროპულ სასამართლოში უჩივლა
სომხეთის ხელისუფლებამ ადამიანის უფლებათა ევროპულ სასამართლოს მიმართა მოთხოვნით, მიიღოს შუალედური ზომები თურქეთთან მიმართებით, ამ ქვეყნის აზერბაიჯანის საომარ მოქმედებებში სავარაუდო მონაწილეობის გამო, სომხეთისა და მთიანი ყარაბაღის მოსახლეობის წინააღმდეგ. ამის შესახებ ადამიანის უფლებათა ევროპულ სასამართლოში ქვეყნის წარმომადგენლობა იუწყება.
„სომხეთის ხელისუფლება თავისი და რესპუბლიკა არცახის სახელით ადამიანის უფლებათა ევროპულ სასამართლოს მიმართავს მოთხოვნით, მიიღოს შუალედური ზომები თურქეთის წინააღმდეგ იმის გათვალისწინებით, რომ ეს ქვეყანა მრავალმხრივ უჭერს მხარს სომხეთისა და არცახის მშვიდობიან მოსახლეობასა და სამოქალაქო ინფრასტრუქტურაზე თავდასხმას. ეს წარმოადგენს საერთაშორისო სამართლისა და ევროპული კონვენციის უხეშ დარღვევას“, - ნათქვამია ინფორმაციაში.
შეგახსენებთ, მთიან ყარაბაღში სომხეთსა და აზერბაიჯანს შორის ვითარება განსაკუთრებით 27 სექტემბერს დაიძაბა. მხარეები შეიარაღებული თავდასხმებისა და მსხვერპლის შესახებ განსხვავებულ ინფორმაციას ავრცელებენ. ისინი შექმნილი ვითარების გამო პასუხისმგებლობას ერთმანეთს აკისრებენ.
თურქეთში სახელმწიფო გადატრიალების მცდელობაში ბრალდებულ ათობით პირს სამუდამო პატიმრობა მიუსაჯეს
მდიდარი მამაკაცი და მისი მონა - არქეოლოგების უნიკალური აღმოჩენა ვულკანის ამოფრქვევის შედეგად განადგურებული პომპეის ადგილას
