ავტორი:

"ყველა დაღუპულ სომეხსა და აზერბაიჯანელზე გული შემტკივა. მე ვარ საქართველოს შვილი და შეუძლებელია ქართველი მხარს უჭერდეს სეპარატიზმს" - სააკაშვილი

"ყველა დაღუპულ სომეხსა და აზერბაიჯანელზე გული შემტკივა. მე ვარ საქართველოს შვილი და შეუძლებელია ქართველი მხარს უჭერდეს სეპარატიზმს" - სააკაშვილი

საქართველოს ყოფილი პრეზიდენტის, მიხეილ სააკაშვილის განცხადებით, ის სომხეთ-აზერბაიჯანს შორის კონფლიქტის კატეგორიული მოწინააღმდეგეა. როგორც სააკაშვილი "ფეისბუქზე“ გავრცელებულ ვიდეოში განმარტავს, "ქართულმა ოცნებამ“ თბილისში ეთნიკურად სომხური წარმოშობის საქართველოს მოქალაქეები გამოიყვანა, რომლებიც ყარაბაღის გარშემო მიმდინარე მოვლენებთან დაკავშირებით მის პოზიციას აპროტესტებდნენ.

მიხეილ სააკაშვილი მიიჩნევს, რომ აქციის უკან საქართველოს დღევანდელი ხელისუფლება და მათი უცხოელი სპონსორები დგანან.

"ჩემი პოზიცია სომხეთ-აზერბაიჯანის კონფლიქტზე ყველას ძალიან კარგად ესმის. მე ვარ ომისა და სისხლისღვრის კატეგორიული მოწინააღმდეგე. მე ყველა დაღუპულ სომეხსა და აზერბაიჯანელზე გული შემტკივა. შეუძლებელია მომწონდეს, როცა საბრძოლო მოქმედებები მიმდინარეობს. ამავე დროს, მე ვარ საქართველოს შვილი და ასევე, უკრაინის მოქალაქე. შეუძლებელია ქართველი და ნებისმიერი უკრაინელი არ უჭერდეს მხარს ქვეყნის ტერიტორიული მთლიანობის პრინციპს და მხარს უჭერდეს სეპარატიზმს.

უფრო მეტიც, ნებისმიერი ქართველი, რა ეთნიკური წარმომავლობისაც არ უნდა იყოს, ვინც სეპარატიზმს მხარს უჭერს, ის საქართველოს წინააღმდეგია. ამიტომ, როდესაც ჩვენ ტერიტორიული მთლიანობის პრინციპს ვაღიარებთ, როგორც უკრაინის მთავრობამაც განაცხადა და მეც არაერთხელ მითქვამს წარსულში, ჩვენ ვაღიარებთ აზერბაიჯანის ტერიტიორიულ მთლიანობასაც“, - აცხადებს სააკაშვილი.

"ძალიან მსხვილი მოთამაშეები არიან ჩართულნი, რათა ეს ომი გაგრძელდეს...მალე არ დამთავრდება" - მამუკა არეშიძე მთიანი ყარაბაღის კონფლიქტზე

რა ღონისძიებების გატარებას გეგმავს ხელისუფლება დედაქალაქში კორონავირუსის პრევენციის მიზნით - ჯანდაცვის მინისტრის განცხადება

LIVE - ეთერშია გადაცემა Newsroom-ი - სტუმარი ელენე ხოშტარია