"7 ახალი შემთხვევიდან, 3 მოსწავლეა, კლასელები არიან, ვირუსი დაუდგინდა ერთ-ერთი მოსწავლის დედასაც" - რა ვითარებაა გურიის რეგიონში?

საქართველოში კორონავირუსის 549 ახალი შემთხვევიდან 7 ოზურგეთის მუნიციპალიტეტში დაფიქსირდა. საზოგადოებრივი ჯანდაცვის ადგილობრივი ცენტრის ინფორმაციით, ინფიცირებულებს შორის სამი ლაითურის სკოლის მოსწავლეა.

“გვაქვს 7 ახალი შემთხვევა, აქედან სამი მოსწავლეა, ისინი კლასელები არიან და ინფიცირებული ბავშვის კონტაქტს წარმოადგენენ. ვირუსი დაუდგინდა ასევე ერთ-ერთი მოსწავლის დედას. კიდევ ერთი შემთხვევა არის ლაითურში. გვყავს ინფიცირებული სოფელ მერიიდან და სოფელ ჭანიეთიდან, ამათ კონტაქტი ,,აჭარა ტექსტილს“ უკავშირდება“, - განუცხადა ,,ინტერპრესნიუსს“ ოზურგეთის საზოგადოებრივი ჯანდაცვის ცენტრის დირექტორმა მაია ქუტიძემ.

ამ დროისთვის გურიის რეგიონში კორონავირისით ინფიცირების 197 შემთხვევაა გამოვლენილი.