რა ასაკის იყვნენ და სად მკურნალობდნენ ბოლო 24 საათში კორონავირუსით გარდაცვლილი პაციენტები - " ყველას ჰქონდა მძიმე თანმხლები დაავადებები"

ინფექციური საავადმყოფოს ბოქსირებული განყოფილების უფროსის, მარინა ენდელაძის განცხადებით, კორონავირუსით გარდაცვლილ 6-ვე პაციენტს თანმხლები დაავადებები ჰქონდა.

მისივე თქმით, პაციენტების მდგომარეობიდან გამოყვანა, სხვადასხვა ღონისძიების გატარების მიუხედავად, ვერ მოხერხდა.

"ამჟამად საერთო რაოდენობა გარდაცვლილთა გახლავთ 72. გუშინ გარდაიცვალა 6 პაციენტი. აქედან 1 პაციენტი გარდაიცვალა გორში - 58 წლის ქალი თანმხლები დაავადებებით, ბათუმში გარდაიცვალა 68 წლის პაციენტი, რომელსაც ასევე ჰქონდა თანმხლები დაავადებები, ქობულეთში გარდაიცვალა 2 პაციენტი - 55 და 61 წლის ქალები და ქუთაისში გარდაიცვალა 81 წლის ქალბატონი. ყველა ამ პაციენტს ჰქონდა მძიმე თანმხლები დაავადებები, ორმხრივი პნევმონია და შესაბამისად, მათი გამოყვანა ვერ მოხერხდა“, - განაცხადა მარინა ენდელაძემ.

ცნობისთვის, საქართველოში ბოლო 24 საათში კორონავირუსით 6 პაციენტი გარდაიცვალა, ხოლო ინფიცირების 527 ახალი შემთხვევა გამოვლინდა.