ავტორი:

"მის სილამაზეს მაიკო ორბელიანისა და ნინო ჭავჭავაძის მშვენიერებას შევადარებდი" - ცნობილი ონკოლოგი და არაერთი კინოროლის შემსრულებელი გარდაიცვალა

"მის სილამაზეს მაიკო ორბელიანისა და ნინო ჭავჭავაძის მშვენიერებას შევადარებდი" - ცნობილი ონკოლოგი და არაერთი კინოროლის შემსრულებელი გარდაიცვალა

ცნობილი ონკოლოგი, ულამაზესი ქალბატონი დალი თუშიშვილი გარდაიცვალა. მან არაერთი დაუვიწყარი სახე შექმნა ქართულ კინემატოგრაფიაში. მისი ცხოვრება ტრაგედიებით სავსე გახლდათ, გარდაეცვალა მეუღლე, ძმა და შვილი. თავის დროზე კინოზე უარი თქვა და ონკოლოგია აირჩია. ცხოვრობდა მოკრძალებულად და ხშირად არ ჩნდებოდა ტელეეთერებში.

ambebi.ge-სთვის მიცემულ ინტერვიუში ქალბატონი დალი ამბობდა:

  • "მჯერა ადამიანები უკვალოდ არ ქრებიან, ეს რომ არ მჯეროდეს, ვერც გადავიტანდი ჩემი შვილის სიკვდილს, როცა დედას შვილი მოუკვდება ორი გზა არის, ან თავი მოიკლას ან გააგრძელოს ცხოვრება, ცხოვრებას თუ აგრძელებ, უნდა გააგრძელო ღირსეულად, თავაწეული უნდა იყო და გააგრძელო შენი საქმიანობა. ჩემი შვილის გარდაცვალების შემდეგ, მთელი მზრუნველობა მეორე ვაჟზე, ოთარზე და შვილიშვილებზე გადავიტანე, რომლებიც არიან ჩემი ცხოვრების აზრი. არ მინდა საკუთარი ტკივილით დავამძიმო ისინი. ამ ტრაგედიებს ვერასდროს გადავიტან, მაგრამ სანამ ცოცხალი ვარ, არ მინდა ვინმე დაცემულს მხედავდეს. მითუმეტეს ისეთი პროფესია მაქვს, სადაც მრავალი მძიმე დიაგნოზის დასმა მიწევს, უამრავ დედას ვხედავ შეშინებული და გაფართოებული თვალებით, რომლებიც მეკითხებიან, რა სჭირს ჩემს შვილსო, სამწუხაროდ ზოგჯერ საიმედოს ვერაფერს ვეუბნები. შინაგანად მძიმეა ჩემი და ჩემნაირი ადამიანების ხვედრი, მაგრამ მე ვთვლი, ამ ტკივილს ვერავინ ხედავდეს. არასოდეს არავინ უნდა დაამძიმო შენი მდგომარეობით, ცხოვრება გრძელდება..."

ყველა დროის ერთ-ერთ ყველაზე ლამაზი ქალს სკოლის ასაკიდან იღებდნენ ფილმებში. მონაწილეობდა კინოსურათებში: "დაისი", "ცეცხლთან თამაში", "ღამის ვიზიტი", "აბესალომ და ეთერი" და ა.შ ეპიზოური როლი შეასრულა გიორგი შენგელაიას "მაცი ხვიტიაში". მისი ფოტოები შესულია ულამაზეს ქართველ ქალთა კატალოგებში. პროფესიით მსახიობი არ ყოფილა, დალი თუშიშვილი წარმატებული ექიმი, პროფესორი გახლდათ.

მეუღლესთან თემურ ბუაჩიძესთან ერთად

ნინო რეხვიაშვილი, დალი თუშიშვილის მეგობარი:

- ჩვენ მეგობრები ვიყავით, დღე-დღეზე უნდა გამოვიდეს წიგნი, რომელიც თავად დალის კარნახით, მისი ბიოგრაფიული მასალის მიხედვით გაზადდა. ეს არის მისი ბიოგრაფიული ამბები, სტამბაშია უკვე წიგნი, სამწუხაროა, რომ ვეღარ მოესწრო გამოცემას.

არ ავადმყოფობდა. ბოლოს ათი დღის წინ ვისაუბრეთ და მითხრა, რომ შეეყარა ვირუსი. ვუთხარი, დალი, ჩემგან არ გესწავლება და იქნებ კორონაზე აგეღო ანალიზი-მეთქი. მითხრა, - არა, ნინო, ეგ სიმპტომები არ მაქვს, გავცივდი, თან იმდენი წამლები დავლიე, ნაღველი გამიღიზიანდაო.

შემდეგ წავიდა სამსახურში, მაგრამ საღამოს მითხრა, ვერ შევძელი მუშაობა და წამოვედიო. შემდეგ მე ვიყავი ანალიზებზე ალადაშვილის კლინიკაში და მითხრა, როგორ მინდოდა იქ დაგხვედროდი, მაგრამ ვერ შევძელი ადგომა, ვირუსმა დამასუსტაო. სამი დღის წინ შევიტყვეთ, ეს თავზარდამცემი ინფორმაცია, რომ ლეიკემია ჰქონდა. ძალიან ძნელად დასაჯერებელი იყო. პროფესორი, უმაღლესი აკადემიური განათლების მქონე ქალი გახლდათ, საოცარი ადამიანი იყო. გამორიცხულია, რომ თავად რამე გამოპარვოდა. მითხრა, წიგნი, რომ გამოვა, ჩემს ეზოში გავაკეთოთ ამის პრეზენტაციაო, სახლში ულამაზესი ეზო ჰქონდა.

გივი სიხარულიძე:

- გული მომიკვდა. ჩემთვის დალი თუშიშვილი იყო, როგორც ცისარტყელა.

უდიდესი მეცნიერი იყო, ჰყავდა არაჩვეულებრიოვი მეუღლე, რომელიც, სამწუხაროდ, გარდაცვლილია. ყოველთვის განსაკუთრებული პატივისცემით იგონებდა მას. მე დალის სილამაზეს მაიკო ორბელიანისა და ნინო ჭავჭავაძიეს მშვენიერებას შევადარებდი, ძალიან მეტკინა გული.

მეტროსადგურებთან პირბადეების ტარებასა და კორონავირუსის პრევენციის მიზნით მოქმედი წესების დაცვას პატრული გააკონტროლებს

"COVID-19-ით ორი-სამი ჯანმრთელი ადამიანიც გარდაიცვალა და ბევრად მეტიც" - თენგიზ ცერცვაძე

აჭარაში კორონავირუსისგან 41 წლის ქალი გარდაიცვალა - "დაავადება მიმდინარეობდა უსიმპტომოდ"