თბილისის 32-ე სკოლის 900 მოსწავლე დისტანციურ სწავლებაზე გადავიდა
თბილისის 32-ე სკოლაში პირველიდან მეექვსე კლასის მოსწავლეები სწავლების დისტანციურ რეჟიმზე გადავიდნენ. აღნიშნული გადაწყვეტილების მიზეზი მოსწავლის და სკოლის დირექტორის მოადგილის კორონავირუსით ინფიცირებაა.
როგორც „ინტერპრესნიუსს“ საქართველოს განათლების, მეცნიერების, კულტურისა და სპორტის სამინისტროში განუცხადეს, ინფიცირებულ მოსწავლის კლასი და პედაგოგები თვითიზოლაციაში იმყოფებიან. დისტანციურ სწავლებაზე კი 900 მოსწავლე გადავიდა.
„ერთ-ერთ მოსწავლეს დაუდასტურდა კორონავირუსი, რის გამოც, ჯანდაცვის სამინისტროს რეკომენდაციებით ამ ბავშვის კლასი გადავიდა თვითიზოლაციაში. ასევე, კორონავირუსი დაუდასტურდა დირექტორის მოადგილეს, რის გამოც, ასევე რეკომენდაციებით მასწავლებლების უმრავლესობა, ვისაც შეხება ჰქონდა თვითიზოლაციაში გადავიდა. შედეგად სკოლაში, პირველიდან მეექვსე კლასის მოსწავლეები გადავიდნენ დისტანციური სწავლების რეჟიმში“, - აცხადებენ განათლების სამინისტროში
"ბებიები და ბაბუები ხომ ჰყავთ იმ ახალგაზრდებს, რომლებიც იქ იყვნენ? მეტს არაფერს ვიტყვი" - პაატა იმნაძე სტადიონთან შეკრებილებზე
"წლევანდელი ფინანსური აუდიტის მონაცემებით, "საპარტნიორო ფონდი“ და საქართველოს რკინიგზა მოგებაზე გადიან“ - გიორგი დანელია
