თბილისში "გლოვოს" თანამშრომელს მოპედი მოპარეს - დანაშაული არასრულწლოვნებმა ჩაიდინეს
შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა თბილისში, ჭავჭავაძის გამზირზე მომხდარი ქურდობის ფაქტი გახსნეს. შინაგან საქმეთა სამინისტროს ინფორმაციით, სამართალდამცველებმა მოქალაქის კუთვნილი მოპედის ქურდობაში არასრულწლოვნები გამოავლინეს.
გამოძიებით დადგინდა, რომ მოქალაქე შ.გ.-მ, რომელიც კომპანია "გლოვოს" თანამშრომელია, მიმდინარე წლის 5 ოქტომბერს, თბილისში, ჭავჭავაძის გამზირზე, ველობილიკზე რამდენიმე წუთით დატოვა თავისი მოპედი, თვითონ ჰიპერმარკეტ "აგროჰაბში" შევიდა შეკვეთის ასაღებად, უკან დაბრუნებულს კი მოპედი ადგილზე აღარ დახვდა.
შ.გ.-მ თბილისის პოლიციის დეპარტამენტის ვაკე-საბურთალოს მთავარი სამმართველოს პირველ სამმართველოს მიმართა და კუთვნილი მოპედის ქურდობის ფაქტი დააფიქსირა. პოლიციამ ნაქურდალი მოპედი ისანი-სამგორის რაიონში იპოვა. გამოძიება სისხლის სამართლის კოდექსის 177-ე მუხლის მე-3 ნაწილის “დ” ქვეპუნქტით მიმდინარეობს, რაც სატრანსპორტო საშუალების წინააღმდეგ ჩადენილ ქურდობას გულისხმობს.
"მელაშვილის გარდა, ჩვენი ქვეყნის დამაზიანებელ პოზიციას გამოხატავდა საგარეო საქმეთა მინისტრის ყოფილი მოადგილე ნინო კალანდაძეც" - არქიმანდრიტის სკანდალური ჩვენება
თბილისში, თოიძის ქუჩაზე ერთ-ერთი საცხოვრებელი სახლის სხვენში ხელყუმბარა აღმოაჩინეს
