"ეს თურქეთის იმპერიის აღდგენისკენ მიმართული პოლიტიკაა“ - რას აცხადებს ნიკოლ ფაშინიანი

სომხეთის პრემიერ-მინისტრის, ნიკოლ ფაშინიანის განცხადებით, რომ არა თურქეთის მზაობა ომში ჩასართავად, ყარაბაღში საბრძოლო მოქმედებები არ დაიწყებოდა. მისი თქმით, რეგიონში ვითარება მას შემდეგ დაიძაბა, რაც თურქეთმა და აზერბაიჯანმა ერთობლივი სამხედრო სწავლება განაახლეს.

"თურქეთი ახლაც განაგრძობს საომარ მოქმედებებში მონაწილეობას. ეს თურქეთის ექსპანსიონისტურ პოლიტიკას ცხადყოფს. ეს თურქეთის იმპერიის აღდგენაზე მიმართული პოლიტიკაა“, - განაცხადა ნიკოლ ფაშინიანმა.

სომხეთისა და აზერბაიჯანის საზღვარზე ვითარება 27 სექტემბერს დაიძაბა, ცეცხლის გახსნაში მხარეები ბრალს ერთმანეთს სდებენ. 9 ოქტომბერს მოსკოვში გამართული მოლაპარაკების შემდეგ აზერბაიჯანი და სომხეთი ცეცხლის შეწყვეტის შესახებ შეთანხმდნენ, თუმცა რამდენიმე საათში მხარეებმა ერთმანეთი შეთანხმების დარღვევაში დაადანაშაულეს.

• პრემიერმა ფაშინიანმა შვილი ბრძოლის წინა ხაზზე გაუშვა, ყარაბაღშია მისი მეუღლეც - "შვილო, აი, სამხედრო ფორმა, ჩაიცვი..."