"ჩემი შვილების ერთადერთი, ერთგულად რომ ცოცხლობდა აქამდე, ბებოც წავიდა... ნიკუშას დახვდა დაძინებული" - ირაკლი ალასანიას დედა გარდაიცვალა
თავდაცვის ყოფილი მინისტრის ირაკლი ალასანიას დედა დოდო ანდღულაძე გარდაიცვალა, რის თაობაზეც "ფეისბუქის" პირად გვერდზე მისმა რძალმა, ნათია ფანჯიკიძემ დაწერა.
"ირაკლის დედა გარდაიცვალა. შაბათს 2-ზე დავკრძალავთ. ჩემი შვილების ერთადერთი, ერთგულად რომ ცოცხლობდა აქამდე, ბებოც წავიდა. ნიკუშას დახვდა დაძინებული. ძალიან კარგი ექიმი, დაუჯერებლად, კინოგმირივით ღირსეული ქალი, საოცარი თვისებების, რომელზეც დაუსრულებლად შემიძლია ვილაპარაკო და რა უცნაური რამეა, რომ შვილიშვილებისთვის მაინც ისაა ხოლმე მთავარი, რომ ბებოები დედაზე გემრიელ კარტოფილს წვავენ. ნიკუშას ერთერთი საყვარელი იუმორისტული ხაზი სადილის მერე დოდოსთან დარეკვა და თქმა იყო, როგორ ცუდად გამოვკვებე და როგორ შეცდა და ნანობს, რომ მასთან მისვლა ვერ მოახერხა. მისამართია გამრეკელის (ყოფილი კუტუზოვის) მეორე კორპუსი, მაგრამ კოვიდის გათვალისწინებით, რათქმაუნდა, საბოდიშო არავის აქვს. ამბავი გაგაგებინეთ უბრალოდ", - დაწერა ნათია ფანჯიკიძემ.
დოდო ანდღულაძე, სოხუმის დაცემის შემდეგ ტყვედ ჩავარდნილი და მტრის მიერ დახვრეტილი, მამია ალსანიას მეუღლე გახლდათ. წლების განმავლობაში უცნობი იყო, სად იყო მამია ალასანიას დაკრძალული, მხოლოდ 2017 წელს მოხერხდა მისი ნეშტის თბილისში გადმოსვენება და იდენტიფიცირება, მამია ალასანია თბილისში, ნარიყალაზე, წმინდა ნიკოლოზის სახელობის ტაძრის ეზოში სამხედრო პატივით დაკრძალეს.
"მე ვერ გავერკვიე მათ რაში ადანაშაულებენ... ამ ადამიანებს ბოდიშს ვუხდი" - მეუფე მელქისედეკი ივერი მელაშვილზე და ნატალია ილიჩოვაზე
ფაბრიკის 116 თანამშრომელს კორონავირუსი დაუდგინდა - "აჭარა ტექსტილმა" მუშაობა შეაჩერა
