"ალესანდრო დიდი ძმა გახდება" - ოპერის მომღერალი, ნინო მაჩაიძე გოგონაზეა ფეხმძიმედ

ოპერის მომღერალი ნინო მაჩაიძე მეორე შვილს ელოდება. სასიხარულო ამბავთან დაკავშირებით, მომღერალი "ფეისბუქის" პირად გვერდზე ემოციურ ფოტოს აქვეყნებს და წერს:

"სურპრიზი... ალესანდრო დიდი ძმა გახდება. ჩვენი ოჯახი იზრდება და უაღრესად ბედნიერები ვართ, რომ იანვარში გოგონა გვეყოლება", - წერს ნინო მაჩაიძე.

35 წლის ნინო მაჩაიძე ერთ-ერთ ყველაზე სექსუალურ საოპერო მომღერლადაა აღიარებული. მას ხშირად უწოდებენ "ოპერის ანჯელინა" ჯოლის. რამდენიმე წლის წინ მაჩიაძეს მსოფლიოს ლამაზ საოპერო მომღერალთა შორის პირველი ადგილი აშშ-ის ვიცე-პრეზიდენტმა, ჯო ბაიდენმა მიანიჭა.

ქართველი სოპრანო 2016 წელს საიუველირო ბრენდის BVLGARI-ს სახე გახდა. რაც შეეხება პირად ცხოვრებას, მაჩაიძე იტალიელ მომღერალზე გვიდო ლოკონსოლოზეა დაქორწინებული.

ნინომ იტალიელი კოლეგა გვიდო "ლა სკალას" აკადემიაში გაიცნო. პირველ წელს იყო მეგობრობა. შემდეგ ორივეს "ლა სკალამ" "რიგოლეტოში" მონაწილეობა შესთავაზა.

"მე და გვიდოს ხშირად გვიწევს ერთმანეთისგან შორს ყოფნა, მე ერთ ქალაქში, გვიდოს - მეორეში. თავისუფალი დრო რომ გამოგვიჩნდება, ერთმანეთთან ჩავდივართ. ეს არის მომღერლის ცხოვრება. აქვს კარგი მხარეებიც და ცუდიც. უარყოფითი ის არის, რომ ახლობლებისგან შორს ხარ, მაგრამ, როცა ხანგრძლივი განშორების შემდეგ ხვდები, ეს ძალიან დიდი ბედნიერებაა", - აღნიშნავს ქართველი სოპრანო.