"დაღუპულთა შორის 87 წლის ქალი და 65 წლის მამაკაცია" - ბოლო დღე-ღამეში Covid 19-ით ოთხი ადამიანი გარდაიცვალა, 208 - კი გამოჯანმრთელდა

საქართველოში ბოლო 24 საათში კორონავირუსით ოთხი პაციენტი გარდაიცვალა. ამის შესახებ ინფორმაცია მთავრობის სპეციალურ ვებ-გვერდ stopcov.ge-ზე გამოქვეყნდა.

საქართველოში კორონავირუსით გარდაცვლილთა რაოდენობა 113-ს შეადგენს.

თბილისის ინფექციური საავადმყოფოს ბოქსირებული განყოფილების უფროსის, მარინა ენდელაძის განცხადებით, ბოლო 24 საათში გარდაცვლილ 4 პაციენტს შორის 87 წლის ქალი და 65 წლის მამაკაცია.

„4 გარდაცვლილიდან ვიცი ორის მონაცემები. 87 წლის ქალბატონია და 65 წლის მამაკაცი აჭარაში, ხოლო დანარჩენის შესახებ ინფორმაცია არ მაქვს“, - განაცხადა მარინა ენდელაძემ.

ამასთან, საქართველოში ბოლო 24 საათში კორონავირუსისგან 208 ადამიანი გამოჯანმრთელდა.

დღეს კორონავირუსით ინფიცირების 919 ახალი შემთხვევა გამოვლინდა. ამ დროისთვის საქართველოში კორონავირუსის სულ 14 440 შემთხვევაა დადასტურებული.