ხონის მუნიციპალიტეტის მე-2 საჯარო სკოლის მოსწავლეს კორონავირუსი დაუდასტურდა - სწავლის პროცესი არ შეწყვეტილა

ხონის მუნიციპალიტეტის მე-2 საჯარო სკოლის მოსწავლეს კორონავირუსი დაუდასტურდა. ინფიცირებული მე - 4 კლასის მოსწავლეა. სკოლის დირექტორის, ნუნუ მანაგაძის განცხადებით, სკოლა ჩვეულ რეჟიმში აგრძელებს მუშაობას. თვითიზოლაციაში იმყოფებიან მხოლოდ იმ კლასის მოსწავლეები და მასწავლებლები, სადაც ვირუსი გამოვლინდა.

"ეს მოსწავლე მხოლოდ ერთი დღით იყო სკოლაში მოსული, არანაირი სიმპტომი არ აღენიშნებოდა. ბებიას წაუყვანია ერთ-ერთ სოფელში. შემდეგ ბებიას აღმოაჩნდა ვირუსი და ბავშვსაც გაუკეთეს ტესტი. მას შემდეგ, რაც მოსწავლეს ვირუსი დაუდასტურდა, კლასის ყველა მოსწავლე და მასწავლებელი თვითიზოლაციაში გადავიდა და დისტანციურად აგრძელებენ სწავლას. ყველა მათგანს გაუკეთდება ტესტი. კლასს ჩაუტარდა დეზინფექცია და დაიკეტა. სხვა მხრივ, სასწავლო პროცესი ჩვენთან ჩვეულ რიტმში მიმდინარეობს", - განუცხადა ambebi.ge -ს სკოლის დირექტორმა.