ავტორი:

"თრომბოემბოლიის დროს გადარჩენის პატარა შანსი არსებობს, თუ ის ვითარდება რეანიმაციაში" - რას ამბობს ამირან გამყრელიძე კორონავირუსით გარდაცვლილ 41 წლის ქალზე

"თრომბოემბოლიის დროს გადარჩენის პატარა შანსი არსებობს, თუ ის ვითარდება რეანიმაციაში" - რას ამბობს ამირან გამყრელიძე კორონავირუსით გარდაცვლილ 41 წლის ქალზე

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ბათუმის კოვიდ სასტუმროში 41 წლის ქალის გარდაცვალების მიზეზი, სავარაუდოდ, თრომბოემბოლია გახდა. აღნიშნულ თემაზე გამყრელიძემ "ფორმულას" ეთერში ისაუბრა.

გამყრელიძის თქმით, თრომბოემბოლია უეცარ სიკვდილს იწვევს.

"სამწუხაროდ, მედიცინაში 100%-იანი არაფერი არ არის. ვინც სამწუხაროდ, უეცარ სიკვდილს შესწრებია, ეს არის როცა შენ, ექიმს, არაფერი არ გძალუძს. დიდი ალბათობით, როგორც ჩემი კოლეგები აჭარიდან მეუბნებიან, იქ იყო თრომბოემბოლია, რომელიც იწვევს უეცარ სიკვდილს", - განაცხადა გამყრელიძემ.

მისივე თქმით, თრომბოემბოლიის დროს პაციენტის გადარჩენის მცირედი შანსი მხოლოდ მაშინ არსებობს, თუ ის რეანიმაციულ განყოფილებაშია.

"თრომბოემბოლია განვითარდება სასტუმროში, ქუჩაში თუ სამედიცინო დაწესებულებაში, მნიშვნელობა არ აქვს. რაღაც პატარა შანსი არსებობს, თუ ის ვითარდება რეანიმაციულ განყოფილებაში", - განაცხადა გამყრელიძემ.

ცნობისთვის, აჭარაში 41 წლის ქალი კორონავირუსისგან გარდაიცვალა. ის უსიმპტომო პაციენტი იყო, რომელსაც კოვიდ სასტუმროში მკურნალობდნენ.

წაიკითხეთ ვრცლად: აჭარაში კორონავირუსისგან 41 წლის ქალი გარდაიცვალა - "დაავადება მიმდინარეობდა უსიმპტომოდ"

როგორ განახლდება ხვალიდან სასწავლო პროცესი უმაღლეს სასწავლებლებში

აჭარაში ხვალიდან მუნიციპალური ტრანსპორტი მუშაობას განაახლებს

"მგონია, რაღაც უხილავი, ჯადოსნური ხელი აქნევს ამ საკითხს, ვიღაც სალამურზე უკრავს და ეს თქვენ ხართ, ჟურნალისტები" - მეუფე ნიკოლოზი დავით გარეჯის საქმეზე