კორონავირუსით გარდაცვლილი 8 პაციენტიდან ერთი თერჯოლაში მკურნალობდა - "71 წლის კაცი კლინიკაში სამეგრელოდან ორი დღის წინ შემოიყვანეს"

თერჯოლაში​ კორონავირუსით პაციენტი გარდაიცვალა.

კლინიკა "თერჯოლამედის" დირექტორის დავით სარიშვილის თქმით, გარდაცვალება დღეს დილით დაფიქსირდა.

გარდაცვლილია 71 წლის კაცია, ის კლინიკაში სამეგრელოდან ორი დღის წინ შეიყვანეს. პაციენტს თანმდევი დაავადებები ჰქონდა და მისი მდგომარეობა თავიდანვე მძიმე იყო.

ცნობისთვის, ქვეყანაში ბოლო 24 საათში კორონავირუსით 8 ადამიანი გარდაიცვალა.