"70-მა დაამარცხა კოვიდი, მათ შორის უხუცესი 87 წლისაა, შვიდი ხანდაზმული კი, გარდაიცვალა" - ბათუმში, "სათნოების სავანეს" 12 მობინადრე კორონავირუსით დაინფიცირდა

ბათუმში, „სათნოების სავანეს" 12 მობინადრე კორონავირუსით დაინფიცირდა. როგორც ადმინისტრაციაში განაცხადეს, სამი კლინიკაშია გადაყვანილი, ხოლო ცხრა კოვიდკარანტინში.

„120 ბინადარიდან 70-მა დაამარცხა კოვიდი, მათ შორის უხუცესი 87 წლისაა, შვიდი ხანდაზმული კი, გარდაიცვალა. ახალი შემთხვევები მსუბუქი სიმპტომებით მიმდინარეობს, მხოლოდ სამს დასჭირდა სტაციონარი. ჩვენ საკარანტინე პირობებში ვაგრძელებთ საქმიანობას“, - განაცხადა დეკანოზმა იოანე ბარამიძემ.