ავტორი:

რამდენი პაციენტი იმართება დღეს აპარატზე და არის თუ არა სისტემა მზად სასუნთქი აპარატების თვალსაზრისით - რა განაცხადა ეკატერინე ტიკარაძემ

რამდენი პაციენტი იმართება დღეს აპარატზე და არის თუ არა სისტემა მზად სასუნთქი აპარატების თვალსაზრისით - რა განაცხადა ეკატერინე ტიკარაძემ

"დღეს საქართველოში გვყავს მხოლოდ 34 პაციენტი, რომელიც აპარატზე იმართება",- განაცხადა ჯანდაცვის მინისტრმა ეკატერინე ტიკარაძემ მთავრობის ადმინისტრაციაში, ჟურნალისტებთან, საკოორდინაციო საბჭოს სხდომის დასრულების შემდეგ.

როგორც მან აღნიშნა, სასუნთქი აპარატების კუთხით, ჯანდაცვის სისტემა მომზადებულია, თუმცა, მნიშვნელოვანია ადამიანური რესურსიც, ამიტომ, მინისტრი მოსახლეობას მოუწოდებს, რეკომენდაციები დაიცვას.

"საქართველოში არის საკმარისი სასუნთქი აპარატი და გარდა იმისა, რომ ის საკმარისი იყო ჯერ კიდევ თებერვალში, სახელმწიფომ მაინც შეისყიდა უახლესი აპარატები, რომლებიც უფრო მეტად ეფექტურად მართავენ კოვიდს, ჩვენ უკვე ასზე მეტი აპარატი გვაქვს შეძენილი და ეს აპარატები გადანაწილებულია მთელი საქართველოს მასშტაბით, სადაც იმართებიან მძიმე პაციენტები. აქვე მინდა დავძინო, რომ დღეს საქართველოში გვყავს მხოლოდ 34 პაციენტი, რომელიც აპარატზე იმართება.

ზოგადად, კოვიდის პროტოკოლით არ არის რეკომენდირებული და მხოლოდ უკიდურეს შემთხვევაში გადაგვყავს ჩვენ პაციენტები მართვით სუნთქვაზე. აქედან გამომდინარე, ეს არ არის ის საკითხი, რომელზეც შეიძლება დაისვას გარკვეული კითხვები, ჯანდაცვის სისტემა ამ მხრივ არის მზად, მაგრამ მნიშვნელოვანია ადამიანური რესურსიც.

მნიშვნელოვანია, რომ ჩვენმა მოქალაქეებმა კვლავ გამოიჩინონ მაღალი სოციალური პასუხისმგებლობა, ატარონ პირბადე, დაიცვან ჰიგიენური ნორმები და სოციალური დისტანცია", - განაცხადა მინისტრმა.

რა ხდება, როცა მომხმარებელზე ზრუნვა კომპანიის პრიორიტეტად იქცევა? – Hotsale.ge-ის საინტერესო კონცეფცია

ინფიცირების რისკების შემცირების მიზნით Europcar კომპანიებს სატრანსპორტო მომსახურებას სთავაზობს

ამირან გამყრელიძე: "ქეიფმა 22:00 საათის შემდეგ გადაინაცვლა მცხეთაში, ვეთამაშებით ცეცხლს!"