ინფექციურ საავადმყოფში აცხადებენ, რომ მამუკა ხაზარაძე მათთან არ მკურნალობს

თბილისის ინფექციურ საავადმყოფოში აცხადებენ, რომ "ლელოს" თავმჯდომარე, მამუკა ხაზარაძე მათთან არ მკურნალობს.

როგორც ინფექციურ საავადმყოფოში "ინტერპრესნიუსს" განუცხადეს, მამუკა ხაზარაძის განცხადების შემდეგ, რომლის თანახმადაც ის ინფექციურ საავადმყოფოშია გადაყვანილი, სოციალური ქსელის მომხმარებლების მხრიდან ნეგატიური შეფასებები გაკეთდა, რომ კლინიკაში "პრივილეგირებული" პაციენტებისთვის ადგილი მოიძებნა.

ინფექციურ საავადმყოფოში აცხადებენ, ამ დროისთვის კლინიკაში თავისუფალი ადგილები არ არის და მათთვის ყველა პაციენტი თანაბარია და ე.წ პრივილეგირებული პაციენტები არ არსებობენ.

ცნობისთვის, მამუკა ხაზარაძემ დღეს სოციალურ ქსელში დაწერა, რომ ექიმების რეკომენდაციით, ინფექციურ საავადმყოფოში გადავიდა.