"არასწორი და ცოტა პოპულისტური იყო ჩვენი გადაწყვეტილება, ბათუმში კარვების გახსნაზე... შეცდომების აღიარება არ გვიჭირს" - იმნაძე

დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, ბათუმში კარვების გახსნა არასწორი და პოპულისტური გადაწყვეტილება იყო.

ამის შესახებ იმნაძემ "ფორმულას" ეთერში განაცხადა.

"ჩვენც გვქონდა დაშვებული ხარვეზები. აშკარად არასწორი იყო და ცოტა პოპულისტური ჩვენი გადაწყვეტილება, რომ კარვები გაგვეხსნა ბათუმში. ამან გამოიწვია ის, რომ ყველა ცნობისმოყვარე იკმაყოფილებდა ცნობისმოყვარებას, ამან გადატვირთვა გამოიწვია ლაბორატორიების და ამიტომაც გვიანდებოდა პასუხები.

ეს იყო ჩვენი შეცდომა. შეცდომა მოსდის მას, ვინც არაფერს აკეთებს. როცა აკეთებ შეცდომები მოგდის, ჩვენ შეცდომების აღიარება არ გვიჭირს. თუმცა ეს ყველაფერი რაც კეთდება, კეთდება საერთაშორისო გაიდლაინების მიხედვით, რომელშიც გაწერილია რამდენი ტესტი უნდა გაკეთდეს რამდენი შემთხვევის დროს და როგორ ავადობაზე" - განაცხადა იმნაძემ.