რამდენი მძიმე კოვიდპაციენტია საქართველოში და მათგან რამდენს სჭირდება სასუნთქი აპარატი

ბოლო დღე-ღამის განმავლობაში საქართველოში კორონავირუსის 1351 ახალი შემთხვევა გამოვლინდა. სულ ქვეყანაში კორონავირუსის 21208 შემთხვევაა დადასტურებული. სტაციონარში მეთვალყურეობის ქვეშ არის 3071 პაციენტი. როგორც უწყებათაშორისი საკოორდინაციო საბჭოსთან არსებული საოპერაციო შტაბის უფროსის მოადგილემ ბერდია სიჭინავამ განაცხადა, მათგან მძიმე მდგომარეობაშია 372 ადამიანი, თბილისში 186, აჭარის რეგიონში კი - 75. სასუნთქ აპარტზე კი სულ 78 ადამიანია, მათგან 52 - თბილისში, 11- აჭარაში.