იდენტიფიცირებულია პირი, რომელმაც თავდამსხმელი ბანკამდე მიიყვანა - "ეს არის რიგითი მოქალაქე"

პირი, რომელმაც თავდამსხმელი ზუგდიდში, ბანკის ფილიალთან მიიყვანა, იდენტიფიცირებულია და მასთან შესაბამის საგამოძოებო მოქმედებებს სამართალდამცველები აწარმოებენ.

ამის შესახებ სამეგრელო-ზემო სვანეთის გუბერნატორის მოვალეობის შემსრულებელმა, მალხაზ თორიამ ტელეკომპანია „რუსთავი 2“-ის ეთერში განაცხადა.

"ვიცით, რომ ეს პიროვნება არის სამხედრო ფორმაშია ჩაცმული. არსებობს მონაცემები, რომ უცნობმა პირმა იგი მიიყვანა ბანკამდე. ამ მოქალაქესთან სამართალდამცველი ორგანოები აწარმოებენ შესაბამის საგამოძოებო მოქმედებებს.

ეს პიროვნება არის რიგითი მოქალაქე, რომელსაც, თავდასხმასთან, სავარაუდოდ, შემხებლობა არ ჰქონდა, თუმცა ამ პირთან სამართალდამცავები მუშაობენ და გამოძიება დაადგენს ყველაფერს დეტალურად,"-განაცხადა "კურიერის" ეთერში მალხაზ თორიამ.