87 წლის ქობულეთელმა მამაკაცმა კორონავირუსი დაამარცხა - "შემოვიდა კლინიკაში სუნთქვის უკმარისობით, დაუდგინდა პნევმონია"
ქობულეთელმა 87 წლის ოთარ აბაშიძემ კორონავირუსი დაამარცხა და ბათუმის კლინიკა "მედცენტრიდან" გაეწერა. ინფორმაციას ამის შესახებ კლინიკის "ფეისბუქის" გვერდზე აქვეყნებენ, პაციენტისა და მედიკოსების ფოტოსთან ერთად. როგორც პოსტშია აღნიშნული, ოთარ აბაშიძე კლინიკაში სუნთქვის უკმარისობითა და პნევმონიით შეიყვანეს:
"სასიხარულო სიახლე! დღეს მედცენტრის რეანიმაციიდან გაეწერა 87 წლის ოთარ აბაშიძე, რომელმაც COV-19 დაამარცხა. ქობულეთის მკვიდრი 12 ოქტომბერს COV-19-ის ვირუსით შემოვიდა კლინიკაში სუნთქვის უკმარისობით, მას დაუდგინდა COV-19 ასოცირებული ბილატერალური პნევმონია.
მზრუნველი ექიმების და ექთნების ძალისხმევით, მან მოახერხა ვირუსის დაძლევა!
მივულოცოთ ბატონ ოთარს გამოჯანმრთელება და ვუსურვოთ დიდხანს სიცოცხლე!
წლების შემდეგ შვილთაშვილებისთვის მოეყოლოს კოვიდის დამარცხების ამბავი! მადლობა მედპერსონალს თავდადებისა და პროფესიონალიზმისთვის!" - ნათქვამია კლინიკის მიერ გავრცელებულ ინფორმაციაში.
"ურეკავენ მოქალაქეებს და, ლუგარის ლაბორატორიის სახელით, სთავაზობენ პრეპარატს კორონავირუსის პროფილაქტიკისთვის, რაც სიცრუეა" - დაავადებათა კონტროლის ცენტრი
საქართველოში ბოლო 24 საათში კორონავირუსისგან 604 პაციენტი გამოჯანმრთელდა, 429 პაციენტის მდგომარეობა კი მძიმეა
