"გვაქვს მხოლოდ ერთი მძიმე შემთხვევა, აპარატზე მყოფი ბავშვი" - გამყრელიძე ინფიცირებული მოზარდების სტატისტიკაზე

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსით ინფიცირებულ ბავშვებს შორის მხოლოდ ერთი მძიმე, აპარატზე მყოფი ბავშვია.

ამის შესახებ ამირან გამყრელიძემ „ფეისბუქ" პრესკონფერენციაზე განაცხადა.

"ბავშვებში მძიმე შემთხვევები არ გვაქვს. გვაქვს მხოლოდ, სამწუხაროდ, ერთი მძიმე შემთხვევა, აპარატზე მყოფი ბავშვი. ზოგადად ბავშვების სტატისტიკას რაც შეეხება, 0-1 წლამდე ბავშვი ინციფირებულთა - 1%-ია ანუ 433 შემთხვევა.

2-იდან-18-წლამდე- 4058 შემთხვევა. ეს არის ძირითადად ოჯახური შემთხვევები", - განაცხადა ამირან გამყრელიძემ.