ერთი გარდაცვლილი და ორი დაშავებული - თელავში ავტომობილს საბურავი დაუზიანდა და ამოტრიალდა

თელავის მუნიციპალიტეტში ავტოსაგზაო შემთხვევას 44 წლის ქალი ემსხვერპლა. შემთხვევა სოფელ ნაფარეულში მოხდა.

თვითმხილველების ინფორმაციით, მაღალი სიჩქარით მოძრავ მსუბუქ მანქანას საბურავი დაუზიანდა, რა დროსაც მძღოლმა მართვა დაკარგა და მანქანა ამოტრიალდა. შემთხვევის დროს ადგილზე გარდაიცვალა ავტომობილში მყოფი ქალი, ორი მგზავრი კი დაშავდა.

ისინი თელავის რეფერალურ საავადმყოფოში არიან მოთავსებული. ადგილზე პოლიციაა მობილიზებული.

შსს-ს ინფორმაციით, გამოძიება სსკ-ის 276-ე მუხლის მე-6 ნაწილით მიმდინარეობს.