რა განცხადებას ავრცელებს შსს სპეცტექნიკის და პოლიციელთა გადაადგილების თაობაზე?
არჩევნებამდეც გავავრცელეთ ინფორმაცია სპეცტექნიკისა და პოლიციელთა გადაადგილების შესახებ, პრევენციისთვის ეს არის ძალიან ჩვეულებრივი მოვლენა, - ამის შესახებ ჟურნალისტებს შინაგან საქმეთა მინისტრის მოადგილემ, ნინო ცაციაშვილმა განუცხადა.
მისივე განმარტებით, არჩევნების მშვიდ ვითარებაში ჩატარებისა და პრევენციული ღონისძიებებისთვის, სადაც საჭირო იქნება, იქ მოხდება პოლიციის დამატებითი ძალების მობილიზება.
"ჩვენ გუშინ, არჩევნებამდეც გავავრცელეთ ინფორმაცია სპეცტექნიკისა და პოლიციელთა გადაადგილების შესახებ. ეს არის ძალიან ჩვეულებრივი მოვლენა, იქიდან გამომდინარე, რომ ჩვენი მთავარი მიზანი და გამოწვევა არის - არჩევნებმა ჩაიაროს მშვიდ, თავისუფალ, ასევე, უსაფრთხო გარემოში.
ამ ამოცანისთვის, რა თქმა უნდა, პრევენციული ღონისძიებები უნდა ჩატარდეს. პრევენციული ღონისძიებების ჩატარებას ეხება გადაადგილება, რაც იყო.
რა თქმა უნდა, გაგრძელდება ეს გადაადგილებები, სადაც დაგვჭირდება, რომელ ლოკაციაზეც, პოლიციის დამატებითი ძალების მობილიზება, იქ მოხდება და ამის შესახებაც დამატებით ინფორმაციას პერიოდულად მოგაწვდით", - განაცხადა ნინო ცაციაშვილმა.
ფიზიკური დაპირისპირება რუსთაველზე - აქციის მონაწილეები კარვების გაშლას ცდილობენ, მათ პოლიცია ამის შესაძლებლობას არ აძლევს
"საარჩევნო პროცესის ხელყოფის მცდელობები არჩევნების შედეგების არალეგიტიმურად ცნობისთვის არ არის საკმარისი" - აშშ-ის საელჩოს განცხადება
