ცესკოს მთელ ტერიტორიაზე პოლიციაა მობილიზებული

ცენტრალური საარჩევნო კომისიის მთელ ტერიტორიაზე პოლიციაა მობილიზებული. დამატებითი ძალები ტერიტორიაზე მას შემდეგ გამოჩნდნენ, რაც ცესკოს თავმჯდომარემ, თამარ ჟვანიამ არჩევნების წინასწარი შედეგები გამოაქვეყნა.

წინასწარი შედეგების გამოქვეყნებას ოპოზიციური პარტიების, "ნაციონალური მოძრაობისა" და " ევროპული საქართველოს" წარმომადგენლებმა ცესკოში გააპროტესტეს და აღნიშნეს, რომ ცესკომ მონაცემები გააყალბა და ის არ ასახავს ამომრჩევლის რეალურ ნებას.