ცესკოს მონაცემების მიხედვით, ნანუკა ჟორჟოლიანი პირველივე ტურში დამარცხდა - "ქართული ოცნებიდან" მისმა კონკურენტმა  ხმების  51,02% მიიღო

ცესკოს მომაცემების მიხედვით, სამტრედიის, წყალტუბოს, ვანისა და ხონის მაჟორიტარობის კანდიდატი ნანუკა ჟორჟოლიანი დეპუტატი ვერ გახდა და ის არჩევნების პირველივე ტურში დამარცხდა.

"ქართული ოცნებიდან" მისმა კონკურენტმა გივი ჭიჭინაძემ ხმების 51,02%; ხოლო ნანუკა ჟორჟოლიანმა (გაერთიანებული ოპოზიცია - ძალა ერთობაშია) - 31,52% მიიღო.

შესაბამისად, ცესკოს მონაცემების მიხედვით, სამტრედიის, წყალტუბოს, ვანისა და ხონის სამაჟორიტარო ოლქში არჩევნების მეორე ტური აღარ გაიმართება.

ამავე თემაზე: 16 მაჟორიტარული ოლქი, სადაც მეორე ტური გაიმართება - რომელი კანდიდატები დაუპირისპირდებიან ერთმანეთს