აშშ-ის სენატში ტრანსგენდერი ქალი პირველად აირჩიეს - ვინ არის სარა მაკბრაიდი, რომელმაც ისტორია დაწერა

აშშ-ში 3 ნოემბერს საპრეზიდენტო არჩევნები გაიმართა. პრეზიდენტთან ერთად ამერიკელებმა კონგრესის წარმომადგენლობითი პალატის წევრები და სენატორებიც აირჩიეს. ისტორიაში პირველად ამერიკის შეერთებული შტატების სენატორი ტრანსგენდერი ქალი, სარა მაკბრაიდი გახდა.

როგორც nbc news წერს, 30 წლის სარა სენატორად დელავერის შტატმა აირჩია. შედეგად ის გახდა პირველი და ერთადერთი ღიად ტრანსგენდერი ქალი აშშ-ის სენატის ისტორიაში. წინასწარი მონაცემებით, მან ხმების 73% მიიღო და არჩევნებში ადვილად დაამარცხა "რესპუბლიკელი" კონკურენტი სტივ ვაშინგტონი.

რაც შეეხება დემოკრატ ჰარის მაკდაუელს, რომელიც წლების განმავლობაში სენატში დელავერს წარმოადგენდა, 44-წლიანი სენატორობის შემდეგ, არჩევნებში მონაწილეობაზე უარი თქვა და სარა მაკბრაიდს დაუჭირა მხარი.

"იმედი მაქვს, რომ LGBTQ ბავშვებს ვაჩვენეთ, რომ ჩვენი დემოკრატია საკმარისად დიდია მათთვისაც... რადგან დელავერში კოვიდ-კრიზისია, დროა, დავიწყოთ მუშაობა“, - დაწერა "ტვიტერის“ ოფიციალურ გვერდზე მაკბრაიდმა.

30 წლის სარა მაკბრაიდი აქამდე ლგბტქ თემის უფლებების დამცველ ორგანიზაციაში მუშაობდა, ჩართული იყო ადამიანის უფლებების დაცვისკენ მიმართულ არაერთ კამპანიაში.

როდესაც ჯერ კიდევ სტუდენტი იყო, სარა მუშაობდა თეთრ სახლში, ბარაკ ობამას საპრეზიდენტო ადმინისტრაციაში, რითაც ის გახდა პირველი ქალი ტრანსგენდერი, რომელმაც თეთრ სახლში იმუშავა.

2014 წელს სარა ენდრიუ ქერიზე დაქორწინდა მას შემდეგ, რაც ამ უკანასკნელს სიმსივნის დიაგნოზი დაუსვეს, ქერი ქორწინებიდან 4 დღეში სიმსივნით გარდაიცვალა.