აშშ-ის არჩევნებში ჯორჯიის შტატის შედეგებზე საუბრისას, ABC-მ შეცდომით საქართველოს კადრები გაუშვა - "სად იყვნენ ეგენი, ჩვენ რომ ჯორჯია ვიყავით..."

აშშ-ის საპრეზიდენტო არჩევნებში ჯორჯიის შტატში ტრამპისა და ბაიდენის მიერ მიღებულ ხმებზე საუბრისას, ABC-ის პირდაპირ ეთერში შეცდომით საქართველოს, კერძოდ კი თბილისის 55-ე საჯარო სკოლასთან რიგის კადრი გაუშვა, რაც ქართველებს ცხადია უყურადღებოდ არ დაუტოვებიათ.

"ფეისბუქზე" აღნიშნულის დამადასტურებელი ფოტო შოთა ტყეშელაშვილმა გამოაქვეყნა წარწერით: "ABC News-ი, ხმების დათვლა ატლანტაში, რიგი 55-ე საჯარო სკოლასთან."

აღნიშნულმა ფაქტმა სოცქსელების ქართველი მომხმარებლები გაამხიარულა და არაერთი კომენტარიც დაიწერა.

ვაკელებს კიდევ ეგ უნდოდათ? თავში აუვარდებათ.

გადაარქვან ამ შტატს სახელი და მსოფლიოც არ დაიბნევა.

ქართველობას გვართმევენ?

სად იყვნენ ეგენი, ჩვენ რომ ჯორჯია ვიყავით...

დისბალანსი ექნებათ ოქმებში. - წერენ კომენტარებში.