ჯორჯიის შტატში ჯო ბაიდენი 917 ხმით ლიდერობს

ჯორჯიის შტატში პრეზიდენტობის "დემოკრატი“ კანდიდატი ჯო ბაიდენი დონალდ ტრამპს 917 ხმით უსწრებს, თუმცა ხმების დათვლა ჯერ კიდევ გრძელდება, - ამის შესახებ ინფორმაციას CNN-ი ავრცელებს.

ჯორჯიის შტატში გამარჯვება კანდიდატისთვის საარჩევნო კოლეგიაში 16 ხმის მოპოვებას ნიშნავს.

CNN-ის ინფორმაციით, ჯორჯიისა და პენსილვანიის შტატებში გამარჯვების მოპოვების გარეშე მოქმედი პრეზიდენტი, დონალდ ტრამპი, კოლეგიაში გამარჯვებისთვის საჭირო 270 ხმის მოპოვებას ვერ მოახერხებს.

ტელეკომპანიის ინფორმაციით, ამომრჩეველთა კოლეგიის ხმების მიხედვით, აშშ-ის საპრეზიდენტო არჩევნებში ამ ეტაპზე ჯო ბაიდენი ლიდერობს. ბოლო მონაცემებით, პრეზიდენტობის "დემოკრატ“ კანდიდატს 253 ხმა აქვს, მოქმედ პრეზიდენტ დონალდ ტრამპს კი 213.