"ეს დედაჩემია... აქვს დიაბეტი და მაინც თავდაუზოგავად მუშაობს კოვიდ ინფიცირებულებისთვის" - ექიმის შვილის ემოციური პოსტი

სოციალურ ქსელში ვრცელდება ნათია ქურშუბაძის ემოციური პოსტი, რომელიც დედას ეხება. მისი ინფორმაციით, დედა, რომელიც 60 წლის არის და დიაბეტი აქვს, ამჟამად ბათუმში, კოვიდპაციენტების განყოფილებაში მუშაობს.

"გაიცანით- ეს დედაჩემია - მარინა პაპუნიძე ბათუმის მრავალპროფილიანი სამშობიარო სახლი - ის ექიმ-გინეკოლოგი, თავისი 35 წლიანი სტაჟით.

ის დღეს კოვიდ პაციენტთა განყოფილებაშია 24/7 - ზე მორიგეობებით. Მას აქვს დიაბეტი, თუმცა მიუხედავად, იმისა, რომ 60 წლის დედა თავისი ჯანმრთელობის ფასად, კიდევ მეტ საფრთხეს უქმნის თავს და მაინც თავდაუზოგავად ზრუნავს და მუშაობს კოვიდ ინფიცირებულებისთვის. თავიდან დავპანიკდი, თუმცა მივხვდი, რომ იმდენად აქვს მას თავისი პროფსიული ვალდებულებები გამჯდარი, რომ აზრი არ ჰქონდა ჩემი მხრიდან გადარწმუნებას, რომ სახლში მჯდარიყო და არა 24 საათიან მორიგეობებით ემუშავა.

როდესაც მორიგეობის პროცესში ვურეკავ, ადამიანური ხმა არ გააჩნია. იღებს უამრავ პრეტენზიებს პაციენტებისგან, როგორიც არის თუ რატომ ყრია საპირფარეშოში თმა? რატომ არის უნიტაზი სველი? და ა.შ... ოღონდ ისევ თავიანთ თმასა თუ დასვრილ უნიტაზზეა საუბარი. Არა და დღეში ორჯერ სანიტარი შედის ყველა ოთახში და საშვილისშვილოდ ასუფთავებს თითოეულის პალატას! დღეის მდგომარეიბით სულ 35 პალატაა გამოყოფილი სამშობიაროში და დაინფიცირებულები კიდევ რიგში დგანან, სხვა პაციენტების გაწერის მოლოდინში.

Ჩემი მოწოდება და თხოვნაა განსაკუთრებით ორსულების მიმართ, რომ დაიცვათ უსაფრთხოების წესები, მოეროდეთ სტუმრიანობას, ხალმხმრავალ ადგილებს და ა.შ... Პირველ რიგში ისევ თქვენი და თქვენი პატარების ჯანმრთელობისთვის. დაინდეთ ექიმებიც, ისინიც ხომ ადამიანები არიან?! ექიმებსაც ხომ ჰყავთ ოჯახის წევრები?! ექიმებსაც ხომ შეიძლება ჰქონდეთ თანმდევი დაავადებები?! ექიმებსაც ხომ შეიძლება ჰქონდეთ საკუთარი ცხოვრება?!

უკლებლივ ყველას გთხოვთ, გაუფრთხილდეთ თქვენს ჯანმრთელობას და დაინდეთ სამედიცინო პერსონალი. დამიჯერეთ დედას არაფრად უღირს 1200 ლარიანი ხელფასი და ასეთი მძიმე სამუშაო, თავისი ჯანმრთელობის ფასად, რომ არა თვისი პატრიოტიზმი და თვდადებულობა საქმისადმი.

ამ ქვეყანაზე ყველაზე უძვირფასესი დედა მყავს, რომელიც 26 წლის ასაკში დაქვრივდა. მამა 32 წლის ასაკში გარდამეცვალა და 2.5 წლიდან მარტოს გვზრდის მე და ჩემს დას და მას რომ რამე მოუვიდეს, მთელი ცხოვრება თავზე დამემსხვრევა. გთხოვთ დაინდეთ თქვენი თავები და გარშემომყოფები, Მადლობა ყურადღებისთვის" - წერს ნათია ქურშუბაძე ერთ-ერთი ღია ჯგუფში. მის პოსტს სოციალურ ქსელში უამრავი გაზიარება აქვს.