პროკურორი ფრიდონ ქარცივაძე კორონავირუსით გარდაიცვალა - "ჰქონდა თანმდევი დაავადებები"

ბათუმელი პროკურორი ფრიდონ ქარცივაძე კორონავირუსის შედეგად გარდაიცავალა. იგი ბათუმის საერთაშორისო საუნივერსიტეტო ჰოსპიტალში მკურნალობდა.

როგორც კლინიკაში AMBEBI.GE-ს განუცხადეს, პაციენტი კლინიკაში შეყვანისთანავე კრიტიკულად მძიმე მდგომარეობაში იმყოფებოდა. მას კორონავირუსთან ერთად სხვა თანმდევი დაავადებებიც აღენიშნებოდა.

"26 ოქტომბერს პნევმონიით და სუნთქვითი უკმარისობით, ჰქონდა თანმდევი დაავადებები - შაქრიანი დიაბეტი და არტერიული ჰიპიერტენზია. შემოყვანისთანავე მდგომარეობა მძიმე იყო, კიდევ უფრო დამძიმდა და გარდაიცვალა დღეს", - განაცხადადეს კლინიკაში

გენერალური პროკურატურა გარდაცვლილის ოჯახის წევრებსა და კოლეგებს უსამძიმრებს.

„საქართველოს პროკურატურა მწუხარებას გამოთქვამს ოზურგეთის რაიონული პროკურორის ფრიდონ ქარცივაძის გარდაცვალების გამო. ფრიდონ ქარცივაძე იყო სამაგალითო კოლეგა, პროფესიონალი, მაღალკვალიფიციური პროკურორი და ღირსეული ადამიანი. იგი მრავალი წლის მანძილზე მასზე დაკისრებულ მოვალეობას სანიმუშოდ ასრულებდა.

პროკურატურაში საქმიანობის პერიოდში ფრიდონ ქარცივაძე წარმატებული მუშაობისთვის მრავალჯერ დაჯილდოვდა. 2019 წელს საქართველოს პრეზიდენტის მიერ დამოუკიდებელი ქართული სახელმწიფოს აღმშენებლობისა და კანონიერებისა და მართლწესრიგის განმტკიცების საქმეში შეტანილი განსაკუთრებული წვლილისთვის ღირსების ორდენი გადაეცა. საქართველოს პროკურატურა ამ უდიდესი დანაკარგის გამო სამძიმარს უცხადებს გარდაცვლილის ოჯახს, ახლობლებს და კოლეგებს“, - ნათქვამია პროკურატურის მიერ გავრცელებულ განცხადებაში.