"წყლის ჭავლით დაშლა ამ პირობებში არის ხალხისადმი ზიზღის გამოხატულება...აუცილებლად მოგეკითხებათ ჩემი ქვეყნის ჯანჯღარი" - ჰოპკინსის უნივერსიტეტის ქართველი დოქტორი

აშშ-ის ჰოპკინსის უნივერსიტეტის ქართველი დოქტორი, ექიმი-ინფექციონისტი მამუკა მაჩაიძე "ფეისბუქის" პირად გვერდზე ცესკოსთან სამართალდამცველების მიერ აქციის მონაწილეებისადმი წყლის ჭავლის გამოყენებას ეხმიანება და "ფეისბუქის" პირად გვერდზე პოსტს აქვეყნებს:

"ადამიანის სიცოცხლე და ჯანმრთელობა მისი ფუნდამენტური უფლებაა და თქვენ ეს ვერ უზრუნველყავით!!

ადამიანის გამოხატვის თავისუფლება მისი ფუნდამენტური უფლებაა და თქვენ ეს ვერ უზრუნველყავით!!

პროტესტის გამოხატვის დროს ადამიანის ჯანმრთელობის და სიცოცხლის დაცვა თქვენი ვალდებულებაა და ეს ვერ უზრუნველყავით!!

ასეთი მკვლელი პანდემიის დროს საზოგადოების კონსოლიდაცია თქვენი ვალდებულება იყო და ვერც ეს უზრუნველყავით!!

დემონსტრაციის ცივი წყლის ჭავლით დაშლა !! ახლა, ამ პირობებში!! არის ხალხის მიმართ ზიზღის და ბოღმის გამოხატულება და სხვა არაფერი!!

აუცილებლად მოგეკითხებათ ჩემი ქვეყნის ჯანჯღარი!!!" - წერს მამუკა მაჩაიძე.