ავტორი:

"...ეს ხელს შეუწყობს ინფიცირებულთა რაოდენობის ზრდას, ამას ერთ კვირაში დავინახავთ" - რაზე აფრთხილებს და რისკენ მოუწოდებს ამირან გამყრელიძე საზოგადოებას?

"...ეს ხელს შეუწყობს ინფიცირებულთა რაოდენობის ზრდას, ამას ერთ კვირაში დავინახავთ" - რაზე აფრთხილებს და რისკენ მოუწოდებს ამირან გამყრელიძე საზოგადოებას?

ჩვენ ვართ პანდემიის პერიოდში - ასეთი დიდი თავშეყრები და შემდგომ უკვე უმართავი, დაუცველი პროცესები, რა თქმა უნდა, ხელს შეუწყობს ინფიცირებულთა რაოდენობის გაზრდას ქვეყანაში და ამას ჩვენ დავინახავთ ერთი კვირის შემდეგ, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ბრიფინგზე განაცხადა, რითაც გამოეხმაურა 8 ნოემბერს გამართულ საპროტესტო აქციას.

მისივე თქმით, გამოხატვის თავისუფლება ადამიანის ერთ-ერთი უპირველესი უფლებაა, თუმცა დაცული უნდა იყოს ბალანსი.

„მოგეხსენებათ, რომ გამოხატვის თავისუფლება ეს არის ადამიანის უფლებათა შორის ერთ-ერთი უპირველესი, მაგრამ გამოხატვის უფლებაზე უფრო მაღალი უფლება არის ადამიანის სიცოცხლის და ჯანმრთელობის უფლება. ამიტომ ჩვენ უნდა დავაბალანსოთ ეს ყველაფერი. რა თქმა უნდა, ვერავის ვერ ავუკრძალავთ და არ აუკრძალავთ, რომ გამოხატოს თავისი მოსაზრება, როგორი მიუღებელიც არ უნდა იყოს ის, მაგრამ ამასთან ერთად დაცული უნდა იქნეს ის ყველა პრევენციული ღონისძიება, რაზეც ჩვენ ვსაუბრობთ...

კიდევ ერთხელ მოწოდებაა, რომ ვისაც ეკუთვნის და ვინც არის რისკ ჯგუფი, ავიცრათ“, - განაცხადა გამყრელიძემ.

როგორც გამყრელიძემ აღნიშნა, ქვეყანაში გრიპის საწინააღმდეგო ვაქცინის საკმარისი რაოდენობაა. მისივე ინფორმაციით, დღეისათვის ქვეყანაში 38 000-მდე ადამიანია უკვე აცრილი.

„ახლა არის უკვე ვირუსების სეზონი. ჯერ გრიპის ვირუსი არ ჩანს, არ ცირკულირებს, მაგრამ მალე ალბათ გამოჩნდება, მაგრამ სხვა რესპირაციული ვირუსები ცირკულირებენ აქტიურად. ამიტომ, კიდევ ერთხელ მოწოდებაა, რომ ვისაც ეკუთვნის და ვინც არის რისკ ჯგუფი, ავიცრათ. ვაქცინა საკმარისია, ასევე კერძო სექტორს აქვს კიდევ გრიპის საწინააღმდეგო ვაქცინა. დღევანდელი დღის მონაცემებით, აცრილია 38 000-მდე ადამიანი. ეს ცოტაა, ჩვენ გვაქვს ვაქცინის 235 000 დოზა, ასევე გატანილი აქვს ჯარს და პოლიციას და იკეთებენ აცრას, იცრებიან ჩემი კოლეგებიც. 5000 დიაბეტიანია უკვე აცრილი, ასევე 2400 დიალეზზე მყოფი, მოხუცთა და ბავშვთა სახლებში უკვე 1000 ადამიანია აცრილი და ა.შ. დაახლოებით 13 000 ჩვენი კოლეგაა ქვეყანაში აცრილი. ექიმი, ექთანი, უმცროსი სამედიცინო პერსონალი ერთად არის 50 000-მდე და და სასურველია, ყველა იქნეს აცრილი, რამეთუ ისინი წინა ხაზზე არიან კოვიდის. შარშანდელი დიდი რეტროსპექტრული კვლევის ამონარიდი მინდა გითხრათ, რომ გრიპზე აცრილები და ის, ვინც კარგად იცავდა გრიპის საწინაღმდეგო ღონსძიებებს გაზაფხულზე თითქოს ნაკლებად დასნებოვდა კოვიდით. ეს არ არის მკაცრი მტკიცებულება, გრიპზე აცრა პირდაპირ არ იცავს, ის იცავს გრიპისგან, მაგრამ თუ გრიპზე აცრილი ხართ ნოემბერში და დეკემბერში, აღარ გვექნება ზედდება ამ ორი ვირუსის“, - განაცხადა გამყრელიძემ.

როგორც მან აღნიშნა, შეზღუდვები არის ერთ-ერთი გზა მობილობის შესამცირებლად და სწორედ ამის მეშვეობით გადაიტანა ქვეყანამ გაზაფხული მშვიდად.

„დღეს ყველა აკეთებს წერტილოვან შეზღუდვებს, მაგრამ გლობალური, მასშტაბური „ლოკდაუნი“ არავის აქვს. ყველას აქვს სერიოზული წერტილოვანი შეზღუდვები, ზოგმა სრულად დაკეტა რესტორნები. ჩვენი ქვეყნისთვის ეკონომიკის გაჩერება იქნება ძლიან მძიმე, ამიტომ ჩვენ ერთად უნდა გავაკეთოთ ის, რომ ერთი მხრივ არ გავაჩეროთ ეკონომიკური აქტივობა, არ გავაჩეროთ სწავლა, დისტანციურზე აქტიურად უნდა იყოს გადასული და არის, მაგრამ უკვე იცით, დამკვიდრდა ჯამმრთელობის მსოფლიო ორგანიზაციის დირექტორის ასეთი თეზა, რომ ყველაზე გვიან იკეტება სასწავლებლები და ყველაზე ადრე იხსნება სასწავლებლები იმიტომ, რომ არ შეიძლება კორონავირუსის პანდემიის თაობა იყოს გაუნათლებელი. ამიტომ ყველამ ერთად უნდა გავაკეთოთ ის, რომ არ გავაჩეროთ ეკონომიკა და რაც შეიძლება ნაკლები დაზიანებით გამოვიდეთ, ანუ ვმართოთ პანდემია,“ - განაცხადა გამყრელიძემ.

ქალაქები, სადაც სკოლებში პირველი სემესტრის დასრულებამდე სწავლა დისტანციურად გაგრძელდება

"თუ მარტო უცხოელებთან მისვლა არ არის საკმარისი, შეუძლიათ ჩვენთანაც მოვიდნენ" - მეუფე იაკობი ხელისუფლებასა და ოპოზიციაზე

"კოვიდ 19-ის საწინააღმდეგო ვაქცინით, პირველ რიგში, სამედიცინო სფეროს მუშაკები აიცრებიან"