“გადავრჩით“ - რას ამბობენ "ნაციონალურ ბალეტში“, ავარიაში მოყოლილი ილიკო სუხიშვილის ჯანმრთელობის მდგომარეობაზე?
"ქართული ნაციონალური ბალეტის" ხელმძღვანელი ილიკო სუხიშვილი ავარიაში მოყვა. გავრცელებული ინფორმაციით, ის მოტოციკლით ხეს შეეჯახა.
როგორც "ინტერპრესნიუსს“ საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, ილიკო სუხიშვილს სასწრაფო სამედიცინო დახმარების ეკიპაჟმა გადაუდებელი დახმარება ადგილზე აღმოუჩინა. მას ზედაპირული მრავლობითი ტრავმები აღენიშნებოდა. როგორც ცენტრში განმარტავენ, სუხიშვილს შესაძლოა, ქვედა კიდურის მოტეხილობა ჰქონდეს. ის შესაბამის სამედიცინო დაწესებულებაშია გადაყვანილი.
ხატია ეკიზაშვილი, "ნაციონალური ბალეტის“ ადმინისტრატორი:
"ილიკო კარგადაა და მის სიცოცხლეს საფრთხე არ ემუქრება. მას ერთი მოტეხილობა აქვს წვივთან, ისეთი სერიოზული არაფერია, გადავრჩით! რა და როგორ მოხდა, ჯერ არაფერი ვიცით. მთავარია, რომ ყველაფერი კარგადაა“.
მომხდარის გამოძიება შინაგან საქმეთა სამინისტრომ სისხლის სამართლის კოდექსის 276-ე მუხლის მეორე ნაწილით დაიწყო, რაც სატრანსპორტო საშუალების მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
"ტელეფონზე არ მპასუხობს, ალბათ, ლაპარაკი არ შეუძლია. ხომ უნდა შეიგინოს და ეტყობა, ამის თავი არ აქვს" - რას ამბობს ბერტა ხაფავა კახი კავსაძეზე
პენსიონერმა ჯულიეტა ილურიძემ მომენტალურ ლატარია ,,7-11-21’’-ში 50 000 ლარი მოიგო
