ავტორი:

"მინიმალური სიმპტომები გვაქვს... მე თენგიზისგან დავინფიცირდი, თავად მას კი იმდენი წყარო ჰყავს" - ცერცვაძის მეუღლის პირველი კომენტარი

"მინიმალური სიმპტომები გვაქვს... მე თენგიზისგან დავინფიცირდი, თავად მას კი იმდენი წყარო ჰყავს" - ცერცვაძის მეუღლის პირველი კომენტარი

კორონავირუსით ინფიცირებული ინფექციური პათოლოგიის და შიდსის ცენტრის ხელმძღვანელი თენგიზ ცერცვაძე და მისი მეუღლე ანა თოფურია სახლში მკურნალობენ.

როგორც ანა თოფურიამ Ambebi.ge -სთან განაცხადა, ორივე მათგანს მინიმალური სიმპტომები აღენიშნებათ. ანა თოფურიას თქმით, მას ვირუსი მეუღლისგან გადაედო, ხოლო თავად თენგიზ ცერცვაძის ინფიცირების წყარო უცნობია.

"ორივეს გვაქვს მინიმალური სიმპტომები. ვიმყოფებით იზოლაციაში და ვმკურნალობთ სახლის პირობებში. მე ჩემი მეუღლისგან დავინფიცირდი. თენგიზს კი იმდენი წყარო ჰყავს დაინფიცირების, ამის დადგენა შეუძლებელია. ინფექციური საავადმყოფო მოგაწვდით პერიოდულად ინფორმაციას ჩვენი ჯანმრთელობის მდგომარეობის შესახებ"- განაცხადა ანა თოფურიამ.

შეგახსენებთ, "ფეისბუქის" ოფიციალურ გვერდზე დღეს გამოქვეყნდა ინფორმაცია, რომ კლინიკის დირექტორ თენგიზ ცერცვაძის შემდეგ, კორონავირუსი მის მეუღლესაც დაუდგინდა.

"კორონა ვირუსი ინფექციური პათოლოგიისა და შიდსის ცენტრის დირექტორის, თენგიზ ცერცვაძის მეუღლეს, ქალბატონ ანა თოფურიასაც დაუდასტურდა. ქალბატონ ანა თოფურიას რაიმე გამოკვეთილი სიმპტომი არ აწუხებს და ისიც სახლში მკურნალობს.

რაც შეეხება თენგიზ ცერცვაძეს, მას გუშინ ხველა, ყელის ტკივილი და სხეულის ტემპერატურა 37.8 გრადუსი აღენიშნებოდა. ამ დროისთვის თენგიზ ცერცვაძეს იგივე სიმპტომები აქვს, თუმცა სხეულის ტემპერატურა შედარებით დაბალია. თენგიზ ცერცვაძე და ანა თოფურია სახლის პირობებში შესაბამისი დადგენილი გაიდლაინის და პროტოკოლის მიხედვით მკურნალობენ".

ინფექციური პათოლოგიის და შიდსის ცენტრი თენგიზ ცერცვაძის მდგომარეობაზე მორიგ ინფორმაციას ავრცელებს

რომელი ვიტამინები იცავენ ბავშვებს და მათ იმუნიტეტს კორონა ვირუსის დროს?

სემეკის წევრი, მაია მელიქიძე ენერგეტიკის სექტორში გენდერული თანასწორობის ღონისძიებაზე სიტყვით წარდგა