გურული ქალები ჩემპიონთა ლიგაზე ითამაშებენ - ქალთა საფეხბურთო კლუბ "ლანჩხუთის" სენსაციური წარმატება
19 ნოემბერს რუმინეთის ქალაქ კლუჟში საქართველოს ჩემპიონი ქალთა ფეხბურთში "ლანჩხუთი" რუმინეთის ჩემპიონ "კლუჟს" დაუპირისპირდა და ხატია ჭყონიას ერთადერთი გატანილი გოლით დაამარცხა უპირობო ფავორიტი.
გურულმა გოგონებმა თამაში მძიმედ დაიწყეს, მასპინძლებმა კი, პირიქით, აქიტიურად და ხშირად უტევდნენ კიდეც, თუმცა "ლანჩხუთის" კართან ასპროცენტიანი მომენტი არ შეუქმნიათ. თუმცა, აღსანიშნავია, რომ ქართველთა მეკარე გაბუნია საიმედოდ თამაშობდა და რამდენიმე ბურთიც მოიგერია.
გურულმა გოგონებმა პირველივე ტაიმში მოახერხეს გოლის გატანა, თუმცა გვერდითმა მსაჯმა თამაშგარე მდგომრეობა დააფიქსირა. ამ მომენტიდან 1 წუთში ლანჩხუთელთა ლიდერ ხატია ჭყონიას კარგი შანსი შეექმნა, მაგრამ მისი დარტყმული ბურთი ძელს მოხვდა.
მეორე ნახევარში კი "კლუჟის" შეტევების სიმწვავემ იკლო, "ლანჩხუთის" მეკარე ისევ კარგად თამაშობდა. 68-ე წუთზე კი ჭყონიამ გრძელი გადაცემა მიიღო, მეტოქეს გასცდა, ერთიერთზე გავიდა და გამარჯვების გოლიც გაიტანა.
გაშვებული გოლის შემდეგ რუმინელებმა უფრო აქტიურად შეუტიეს, თუმცა რეალური საგოლე მომენტი მხოლოდ ორჯერ შეექმნათ - 88-ე წუთზე მირეამ არაზუსტად დაარტყა, ხოლო ბოლო წამზე ლანჩხუთელებმა ცარიელი კარიდან გამოიტანეს ბურთი და თამაშიც დამთავრდა.
ამრიგად, "ლანჩხუთი" ისტორიის წერას განაგრძობს და ჩემპიონთა ლიგის "ნოკაუტის" სტადიაზე გავიდა.
"არ შეიძლება მძევლად აყვანის გამართლება ან ირიბი მხარდაჭერის გამოცხადება... ასე იწყება ტერორიზმი!" - ნინო ლომჯარია
"ძალიან უპრობლემო თანამშრომელი იყო..." - რას ამბობენ "ფაბრიკაში", სადაც ლევან ზურაბიშვილი ინჟინრის პოზიციაზე მუშაობდა
