ავტორი:

"პოლიტიკურმა პროცესმა უნდა გადაინაცვლოს პარლამენტში, ესაა მთავარი" - პრემიერის განცხადება, რომელმაც საკუთარი არჩევანი მეუღლესთან ერთად გააკეთა

"პოლიტიკურმა პროცესმა უნდა გადაინაცვლოს პარლამენტში, ესაა მთავარი" - პრემიერის განცხადება, რომელმაც საკუთარი არჩევანი მეუღლესთან ერთად გააკეთა

პრემიერ-მინისტრმა გიორგი გახარიამ საკუთარი პოლიტიკური არჩევანი მთაწმინდის საარჩევნო უბანზე მეუღლესთან ერთად გააკეთა.

როგორც პრემიერმა ჟურნალისტებთან განაცხადა, ყველა პოლიტიკოსმა უნდა იგრძნოს პასუხისმგებლობა და პოლიტიკურმა პროცესებმა პარლამენტში უნდა გადაინაცვლოს. ამასთან, გახარია აცხადებს, რომ ხელისუფლებამ და ოპოზიციამ ერთად მუშაობა უნდა ისწავლოს.

„მეორე ტურში რა თქმა უნდა, არჩევანი გავაკეთე იმის სასარგებლოდ, რომ საარჩევნო პროცესი რაც შეიძლება სწრაფად დასრულდეს. ყველა პოლიტიკოსს, რომელსაც ქართველმა ამომრჩეველმა პირველ ტურში, პანდემიის დროს, ასევე მეორე ტურში, პანდემიის დროს, გარდა იმისა, რომ გამოუცხადა ნდობა, დააკისრა უაღრესად დიდი პასუხისმგებლობა, ყველა ამ პოლიტიკოსმა იგრძნოს ეს პასუხისმგებლობა და რა თქმა უნდა, პოლიტიკურმა პროცესმა გადაინაცვლოს პოლიტიკურ ფორმატებში, პარლამენტში, ეს არის ყველაზე მთავარი.

რაც არ უნდა დიდი განსხვავება იყოს ჩვენ შორის, უნდა ვისწავლოთ ერთმანეთთან მოლაპარაკება, უნდა ვისწავლოთ პასუხისმგებლობის აღება და უნდა ვისწავლოთ ერთად მუშაობა. ეს არის, როგორც ჩვენი მოქალაქის და ამომრჩევლის დაკვეთა, დავალება, გარდა ამისა, ასე შენდება დემოკრატიული და ევროპული სახელმწიფო“, - განაცხადა გახარიამ.

LIVE - ეთერშია გადაცემა Newsroom-ი

"შეიძლება გერმანიის ელჩს მოსყიდული ეძახო?! ან სააკაშვილმა რა განცხადებები აკეთა სადამკვირვებლო მისიის ხელმძღვანელ ტინი კოქსზე!" - ექსპერტი

"იმედი გვაქვს, ყველა პარტია შეძლებს მათ შორის არსებული განსხვავებების გადალახვას და პარლამენტში თავის ადგილს დაიკავებს" - საქართველოში ევროკავშირის წარმომადგენლობა