"ჩემს ექთანს დედა კოვიდით უწევს, ბავშვები ძმასთან მიაბარა... სკაფანდრით დადის და სიხარულს აფრქვევს" - რას წერს ენათმეცნიერი

ენათმეცნიერი, ცნობილი მთამსვლელის ბიძინა გუჯაბიძის მეუღლე მარინე ბერიძე სოციალურ ქსელში ოჯახის ექთანთან დაკავშირებით პოზიტიურ პოსტს ავრცელებს:

"ჩემს ექთანს, რომელიც საკუთარი შვილივით მივლის, დედაც კოვიდით უწევს. პატარა ბავშვი ძმასთან და რძალთან ჰყავს მიბარებული. ორი კვირა აქ უნდა იცხოვროს. სკაფანდრით დადის. ხალისს და სიხარულს აფრქვევს.

მოდუნების საშუალებას არ გვაძლევს. ამათ არ სჭირდებათ იაფი ტანსაცმელი. ძვირად აფასებენ სხვის სიცოცხლეს. ესეც იცოდეთ. მედპერსონალში რაღაც ცხოველი მებრძოლი სულია გაღვიძებული. ომში არიან. უპირატესობისთვის იბრძვიან. არაა ჩვენი საქმე მთლად ცუდად. მგონი" - წერს ბერიძე.