"კავსაძეების მთელი ოჯახი დავინფიცირდით... ინფორმაცია, რომ კახი ძალიან მძიმედ არის, ტყუილია" - რას ამბობს მსახიობის მდგომარეობაზე მისი ძმა

ცნობილ ქართველ მსახიობს კახი კავსაძეს კორონავირუსი დაუდგინდა. ის პირველ საუნივერსიტეტო კლინიკაშია გადაყვანილი. კლინიკის ხელმძღვანელის ლევან რატიანის განცხადებით, კახი კავსაძე მართვით სუნთქვაზეა გადაყვანილი.

"მისი ჯანმრთელობის მდგომარეობა საკმაოდ მძიმეა, სუნთქვის უკმარისობა აქვს და მართვით სუნთქვაზეა გადაყვანილი“, - განაცხადა ლევან რატიანმა.

კახი კავსაძის მდგომარეობასთან დაკავშირებით AMBEBI.GE კომენტარისთვის მსახიობის ძმას, იმერი კავსაძეს დაუკავშირდა.

მისი ინფორმაციით, მთელი ოჯახი კორონავირუსით არიან ინფიცირებულები.

- კახის არაუშავს, კარგ მდგომარეობაშია. ადამიანს სულის მოთქმას არ აცლიან და დაეტაკნენ და არის ამბავი. ოღონდ გლახა რამე გამოაქვეყნონ და მეტი არაფერი არ უნდათ, მაგათ ჯინაზე კახი კარგად იქნება.

- პირველ საუნივერსიტეტო კლინიკაშია გადაყვანილი?

- დიახ, ლევან რატიანთან არის კლინიკაში. ჩვენ მთელი ოჯახი დავინფიცირდით კორონავირუსით. ყველას დაგვიდასტურდა ტესტებით, კახისაც. ამიტომ არის გადაყვანილი. მე შედარებით კარგად ვარ...