ყაჩაღობა ბაღდათში - 80 წლის მამაკაცს "კონდახით" გაუსწორდნენ

ბაღდათის მუნიციპალიტეტის სოფელ ფერსათში გუგუციძეების ოჯახი დააყაჩაღეს. მძარცველებმა ფიზიკური დაზიანება მიაყენეს ოჯახის ორ წევრებს, რომლებიც საავადმყოფოში არიან გადაყვანილი.

როგორც ერთ-ერთი დაშავებული აცხადებს, ყაჩაღები ღამით ფანჯრიდან შეიპარნენ და მათ თანხა მოსთხოვეს. უარის შემდეგ ერთ-ერთ წევრს "კონდახი" რამდენჯერმე ჩაარტყეს.

ექიმის ინფორმაციით, 80 წლამდე მამაკაცს სისხლჩაქცევები აქვს და თუ მდგომარეობა დამძიმდება, ოპერაცია დასჭირდება.

მომხდარზე დაწყებულია გამოძიება.