"მას აქვს სამი კამერა, ეს იმას ნიშნავს, რომ გაშლის კუთხე აქვს სრულებით სხვა“ - მეუფე ნიკოლოზი iPhone 12 Pro-ს შესახებ, რომელიც მას აჩუქეს

ახალქალაქის, კუმურდოსა და კარის მიტროპოლიტ მეუფე ნიკოლოზს iPhone 12 pro აჩუქეს. ის ამბობს, რომ ახალი ტელეფონი მისთვის არის კამერა, რომლითაც ფილმებს გადაიღებს. აღნიშნულის შესახებ მეუფემ "ტვ პირველთან" ისაუბრა.

"ეს ყველაფერი iPhone 11 Pro-თი დაიწყო, ჩემს “იუთუბ” არხზე, რომელიც ასე უნდა ჩაწეროთ ქართული ასოებით, მეუფე ნიკოლოზი და უნდა ჩაწეროთ ასეთი სიტყვები, „მოგზაურობა წარსულისაკენ“, ეს არის ფილმის დასახელება, ჰოდა არ მქონდა ეს „აიფონ 11 პრო“, მაჩუქეს თავის დროს, იმიტომ რომ აიფონ X-ით, რომელიც მე მქონდა, გადავიღე ეს ფილმი.

სამი დღე ვიღებდი ამ ფილმს, დაახლოებით 2-საათიანი ფილმია და თვითონ იმ აიფონ X-ში დავამონტაჟე ფილმი და 10 თებერვალს, სანამ ეს პანდემია დაიწყებოდა, დავპატიჟე ჩემი ახლობლები „ამირანში“ და დაახლოებით 450 ადამიანი ამ ფილმს დიდ ეკრანზე უყურებდა.

ანუ რისი თქმა მინდა, აიფონ X-ით გადაღებული ფილმი შეიძლებოდა რომ დიდ ეკრანზე ენახა ადამაიანს ისეთი ხარისხი იყო, მაგრამ მე დამჭირდა ლინზების გამოყენება და დამატებითი აქსესუარების. ამ ტელეფონს ჯერ კარგად არ ვიცნობ, მაგრამ სამი კამერა აქვს, ეს იმას ნიშნავს, რომ გაშლის კუთხე აქვს სრულებით სხვა და სხვა შესაძლებლობები აქვს და ეს ტელეფონი მჭირდება იმისთვის, რომ ბევრი მასალა გადავიღო და გავახარო ეს ხალხი“, - ამბობს მეუფე ნიკოლოზი.