საჩხერის სასწრაფო-სამედიცინო დახმარების ცენტრის 24 თანამშრომელი Covid 19-ით დაინფიცირდა

საჩხერის სასწრაფო-სამედიცინო დახმარების ცენტრის თანამშრომლები კორონავირუსით დაინფიცირდნენ. ინფიცირებულია სამსახურის 24 თანამშრომელი, რომელსაც ვირუსი გეგმური ტესტირების შედეგად გამოუვლინდა.

ინფიცირებული თანამშრომლების ნაწილი სახლებში, ნაწილი კი კოვიდსასტუმროებში იმყოფება. თანამშრომლების ინფიცირების გამო, ამ დროისათვის სასწრაფოს ოთხი ჯგუფიდან მხოლოდ ერთი მუშაობს.

საჩხერის სამედიცინო ცენტრში 180 პაციენტია მოთავსებული, აქედან 55 პირი რეანიმაციულ განყოფილებაშია.