თანამედროვე ადოლფ ჰიტლერი - ვინ არის ნამიბიელი პოლიტიკოსი, რომელსაც ნაცისტების ლიდერის სახელი ჰქვია

მსოფლიოს ერთ-ერთი ყველაზე სასტიკი ლიდერის, ადოლფ ჰიტლერის სახელის დარქმევას შვილისთვის თანამედროვე მსოფლიოში ერიდებიან, მაგრამ როგორც აღმოჩნდა, თანამედროვე პოლიტიკაში ჰიტლერის სეხნია არსებობს და ის თავის ქვეყანაში საკმაოდ წარმატებულია.

საუბარია ნამიბიელ პოლიტიკოსზე, სახელად ადოლფ ჰიტლერზე, რომელმაც გასულ კვირას ადგილობრივი თვითმმართველობის არჩევნებში გაიმარჯვა. თანამედროვეობის ჰიტლერი ამბობს, რომ მას არ აქვს მსოფლიოში დომინაციის გეგმები.

ადოლფ ჰიტლერ უუნონა გასულ კვირას ომპუნჯის ოლქში აირჩიეს. გერმანულ გამოცემა Bild-თან საუბრისას მან თქვა, რომ არაფერი აქვს საერთო ნაცისტურ იდეოლოგიასთან.

როგორც BBC წერს, ადოლფი, ისევე, როგორც სხვა გერმანული სახელები, საკმაოდ პოპულარულია ნამიბიაში, რადგანაც ერთ დროს ის გერმანიის კოლონია იყო. უუნონა ამბობს, რომ მამამ სახელი მართლაც ნაცისტების ლიდერის პატივსაცემად დაარქვა, მაგრამ ასევე დასძინა, რომ სავარაუდოდ, მას არ ესმოდა, რას ემსახურებოდა ადოლფ ჰიტლერი და რა იყო მისი იდეოლოგია.

"ბავშვობაში ამ სახელს სრულიად ნორმალურ სახელად მივიჩნევდი. თუმცა შემდეგ მივხვდი, რომ ეს იყო კაცი სახელი, რომელსაც სურდა მთელი მსოფლიოს დამორჩილება, მე მსგავს საკითხებთან საერთო არაფერი მაქვს.“ - ამბობს უუნონა და დასძენს, რომ ცოლი მას ადოლფს ეძახის და არ აპირებს სახელის შეცვლას.