"ჩემს შვილს უთხარი, დედიკო დაგირეკავს მალე" - დღის ფოტო

კორონავირუსის პანდემიის დროს ბრძოლის წინა ხაზზე ექიმები არიან და გარდა რთული და დაძაბული სამუშაო რეჟიმისა, ისინი თვეების განმავლობაში ვერ ახერხებენ ოჯახის წევრების, შვილების ნახვას, რათა ვირუსისგან დაიცვან ისინი.

ყოველივეს ფონზე, ექიმი ნანა სხილაძე "ფეისბუქში" ემოციურ ფოტოს აქვეყნებს. ფოტოზე კლინიკის თანამშრომელი ჩანს მინის მიღმა წერილით ხელში, რომელზეც წერია, "ჩემს შვილს უთხარი, დედიკო დაგირეკავს მალე" - წერია წერილში.

"ვითომ ხომ მომღიმარი ფოტოა.. მაგრამ თან დაგვაქვს ყველა აქ მომუშავე მედიკოსს ყველაზე დიდი, დედის დარდი, რომელიც მოსვენებას არ გაძლევს . ..- ნეტა როგორ არიან ჩვენი შვილები? რას აკეთებენ ხომ არ ტირიან... ძალიან მიყვარხართ დედიკო მალე ისევ ვივლით უპირბადეო, ფერად სამყაროში! ბევრს ვითამაშებთ როგორც ადრე და დაღამებამდე არ ავალთ სახლში" - წერს ნანა სხილაძე.