"რესპუბლიკა გაქვს მაშინ ... ბანანის!" - ექიმმა ზურაბ გურულმა საქართველოში არსებულ ვითარებას ლექსი მიუძღვნა
ამერიკაში მომუშავე ქართველმა ექიმმა ზურაბ გურულმა, რომელიც საქართველოში კორონავირუსული პანდემიის მართვაზე ხშირად გამოთქვამს შენიშვნებს, ამჯერად ჩვენს ქვეყანაში არსებულ ვითარებას ლექსი მიუძღვნა, რომელიც სოციალური ქსელით გამოაქვეყნა:
"როცა მმართველთა უსირცხვილობას, გადაშლილი აქვს საზღვარ-სამანი; ხალხს კი მუდმივად მოლოდინი აქვს, სასწაულის და ციურ მანანის; რესპუბლიკა გაქვს მაშინ ... ბანანის!ZG"
ლექსის გამოქვეყნებამდე კი ზურაბ გურულმა "ფეისბუქის" პირად გვერდზე შემდეგი დაწერა:
"წარმოვიდგინოთ ასეთი სცენარი:ქვეყანა ემზადება გარდაუვალი ომისათვის. მტერი არის უცნობი და ძალიან საშიში. იარაღი და ცოცხალი ძალა შეზღუდული რაოდენობით. სამხედრო კომუნიკაციები მწირი. გამოცდილი ოფიცრები და გენერლები კანტიკუნტად. სამაგიეროდ, გაქვს მოულოდნელი უპირატესობა. მტრის ბანაკის შტაბებში, ყველა მნიშვნელოვან სტრატეგიულ ადგილებში გყავს მზვერავები, რომლებიც უანგაროდ გაწვდიან საჭირო ინფორმაციას მეტოქის სუსტი ადგილების შესახებ და პრაქტიკულად მზა სცენარს გიხატავენ, თუ როგორ განვითარდება მოვლენები ბრძოლის ველზე და რომელი იარაღი უფრო ეფექტური იქნება.ამ დროს, ერთერთ საშტაბო გენერალს გააღიზიანებს ერთერთი მზვერავის მიერ გამოგზავნილი ინფორმაციის ტონი და უხეშად უპასუხებს, პარალელურად პატაკს გააგზავნის არმიის პოლიტხელებთან.პოლიტხელები ინფორმაციას სასწრაფოდ გადაამისამართებენ კონტრდაზვერვის დეპარტამენტის შეფებთან, რომლებიც დაუყოვნებლივ იწყებენ ოპერაციას მზვერავის რეპუტაციის გასანადგურებლად. ნელნელა საინფორმაციო კინკლაობაში ჩაერთვება მთელი არმია, თავისი ოფიცრებიან-ჯარისკაციანებად. ზოგი მზვერავს დაუჭერს მხარს, უფრო მეტი კი მშობლიურ გენერალს. ამ მოვლენების შემყურე მზვერავთა ქსელი იწყებს მიწოდებული ინფორმაციის გაფილტვრას და ზოგჯერ უბრალოდ სრულ უგულებელყოფას.ასეთ ბაქკანალიაში ჩაივლის ომისათვის მოსამზადებელი რამდენიმე თვე. მერე იწყება ომი ...დანარჩენი ქე იცით ...
P.S. ომია! ომს თავისი კანონები აქვს. მტერი ერთია.პოლიტხელებს, კონტრდაზვერვის დეპარტამენტის უტვინო ხელმძღვანელებს და ა.შ. ტრიბუნალი მიხედავს და უნდა მიხედოს. ახლა კი ომია; მტერი მტერია; არავის დაინდობს. ჯარმა უნდა იბრძოლოს მხარდამხარ!"
"გურამ დოჩანაშვილს, ერთხელ ვკითხე - ღმერთს რომ შეხვდებით, რას ეტყვით - მეთქი. უცებ ცრემლი მოაწვა.... მეო, ისეთი დიდი ცოდვილი ვარო, მე რა უნდა ვუთხრაო" - გიორგი კეკელიძე
კახა კალაძის ემოციური შეხვედრა შვილებთან - რა კადრებს აქვეყნებს დედაქალაქის მერი კლინიკის დატოვების შემდეგ
