ავღანეთში ჟურნალისტი მალალაი მაივანდი და მისი მძღოლი მოკლეს

ავღანელი ჟურნალისტი ქალი მალალაი მაივანდი და მისი მძღოლი მუჰამედ თაჰირი მანქანაში ჩაცხრილეს, - ამის შესახებ ინფორმაციას "დოიჩე ველე“ ავრცელებს.

გამოცემის ცნობით, შეიარაღებულმა თავდამსხმელებმა მაივანდის მანქანას ცეცხლი მაშინ გაუხსნეს, როდესაც ჟურნალისტი ქალაქ ჯალალაბადში, სამსახურში მიდიოდა.

მაივანდი ადგილობრივ რადიოსა და ტელევიზიაში მუშაობდა, გარდა ამისა, ის ავღანელი ქალებისა და ბავშვების უფლებებს იცავდა.

მომხდარზე პასუხისმგებლობა ჯერჯერობით არცერთ დაჯგუფებას არ აუღია.