"მთელი არჩევნების განმავლობაში ვიყავი ფეხმძიმედ, ერთად ამ ორის გადატანა, იყო ძალიან რთული" - ანა დოლიძე მეორე შვილს ელოდება

ანა დოლიძე მეორე შვილს ელოდება. "მოძრაობა ხალხისთვის" ლიდერმა სასიამოვნო სიახლე გადაცემა Newsroom-ში სტუმრობისას კიდევ ერთხელ დაადასტურა.

წამყვანის რეპლიკაზე - "შესანიშნავად გამოიყურებით, დამრგვალებული და დამშვენებული, მომავალ წელს დიდი სიხარული გელოდებათ...", ანა დოლიძემ ღიმილით უპასუხა, რომ მეორე შვილის დედა გახდება.

"რაღაც დრო გავიდა და ასე მოგევლინე", - აღნიშნა მან.

რამდენიმე დღის წინ პოლიტიკოსმა საკუთარი ფეხმძიმობის შესახებ ერთ-ერთ სატელევიზიო გადაცემაშიც ისაუბრა.

"მთელი არჩევნების განმავლობაში ვიყავი ფეხმძიმედ. ერთად ამ ორის გადატანა, იყო ძალიან რთული. ჯანმრთელობა, სიმშვიდე, ემოციები, ხალხთან ურთიერთობა, დაგეგმვა... მგონი ერთდერთი ქალი ვარ საქართველოს ისტორიაში, რომელიც საარჩევნო კამპანიაში ფეხმძიმობის დროს მონაწილეობდა", - აღნიშნა ანა დოლიძემ გადაცემაში "დილა უქმეებზე".

ცნობისთვის, ანა დოლიძის ყოფილი მეუღლე უფლებადამცველი და მწერალი ირაკლი კაკაბაძეა, რომელთანაც პოლიტიკოსს ერთი ვაჟი ჰყავს.