აფრიკის დასახლებაში დაკავებულ ერთ-ერთ პირს სასამართლომ 10 000 - ლარიანი გირაო შეუფარდა - ადვოკატი

აფრიკის დასახლებაში დაკავებულ ვანო ფოცხვერაშვილს სასამართლომ აღკვეთის ღონისძიების სახით 10 000 - ლარიანი გირაო შეუფარდა.

როგორც „ინტერპრესნიუსს“ ფოცხვერაშვილის ადვოკატმა, რევაზ აჭარაძემ განუცხადა, დაკავებულს გირაო პატიმრობის უზრუნველყოფით შეეფარდა.

ცნობისთვის, ვანო ფოცხვერაშვილი 15 დეკემბერს აფრიკის დასახლებაში შენობების დემონტაჟის მიმდინარეობის დროს დააკავეს. მას ბრალი სსკ-ის 353-ე მუხლის 1-ელი ნაწილით აქვს წარდგენილი, რაც გულისხმობს წინააღმდეგობას, მუქარას ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ.